İxtisaslaşma səviyyəsi üzrə təsnifat. İxtisaslaşma səviyyəsi üzrə mikrokompyuterlər iki yerə bölünür: universal və ixtisaslaşmış. Universal kompyuterlər müvafiq proqram təminatı olduqda ixtiyari tətbiqi məsələni həll etməyə xidmət edir. İxtisaslaşmış mikrokompyuterlər konkret təyinatlı məsələlərin həlli üçün nəzərdə tutulmuşdur. Belə kompyuterlərə avtomobillərin, gəmilərin, təyyarələrin, kosmik aparatların bort kompüterlərini, tibbi avadanlıqlar qoşulmuş minikompyuterləri, serverləri aid etmək olar.
