Preaktiv planlaşdırma əsasən gələcək dəyişikliklərə hədəflənir. Preaktiv planlaşdırma optimal qərarların axtarışına əsaslanır. Preaktivistlər inkişafın bir çox variantlarından iqtisadi cəhətdən ən səmərəlisini, optimalını seçirlər. Preaktivistlər elmi-texniki tərəqqiyə, innovasiyaya müsbət yanaşırlar, iqtisadi-riyazi metodlardan geniş istifadə edirlər.
Planlaşdırma yuxarıdan aşağıya doğru həyata keçirilir. Belə ki, xarici şərait yüksək səviyyədə proqnozlaşdırılır, məqsəd və strategiya formalaşdırılır, sonra aşağı səviyyələrin məqsədi və onların fəaliyyət proqramı müəyyən edilir.
Preaktiv planlaşdırmanın nöqsan cəhətləri aşağıdakılardır:
qazanılmış təcrübədən zəif istifadə olunması;
müəssisənin gündəlik ehtiyaclarına kifayət qədər diqqət yetirilməməsi;
futurologiya və tədqiqatın yeni metodlarına həddindən artıq meyil göstərməsi.
Preaktiv planlaşdırmanın əsas üstünlüyü planlaşdırma prosesində preaktivistlərin xarici mühitin adekvat qiymətləndirilməsinə və xarici mühit amillərinin nəzərə alınmasına cəhd etmələridir.
İnteraktiv planlaşdırmanıniki əsas cəhəti vardır:
birincisi, iştirak prinsipinə əsaslanır və təşkilatın iştirakçılarının yaradıcı qabiliyyətini maksimum səfərbərliyə alır;
ikincisi, gələcək hakimiyyətaltı nəzarət əhəmiyyətli dərəcədə iştirakçıların qəsdən, bilərəkdən hərəkətlərinin məhsulu sayılır. İnteraktiv planlaşdırmanın məqsədi gələcəyi layihələndirməkdən ibarətdir.
İnteraktiv planlaşdırma iki əsas problemin həllini nəzərdə tutur:
İnteraktiv planlaşdırma menecmentin praktiki modelinə nisbətən daha ideal qurulmadır.
Hətta nəzəri baxımdan iqtisadi subyekt ayrıca özünün gələcəyinə tam nəzarət edə bilməz, ən çox ona effektiv uyğunlaşa bilər.
Deməli, firmanın öz gələcəyinə münasibət üsulu layihələşdirmə deyil, əslində adaptasiyadır. Biznes fəaliyyətində planlaşdırmanın bu tipi az tətbiq olunur.
