Фирузя мяммядли

Seçilmiş əsərləri X 
253 
müxtəlif üslublarının tədqiqinə həsr olunmuş yeni fundamental 
tədqiqat əsərləri ölkəmizdə dil siyasətinin yeni dövrə uyğunlaş-
dırılmasının nəticəsi kimi meydana çıxdı.
Təəssüf doğuran və hələ də ortadan qaldırılmayan məsə-
lələrdən biri də ədəbi dil normalarının qorunmasında həmişə 
öncüllər sırasında duran mətbuatda baş alıb gedən qrammatik 
və üslubi səhvlərdir. Bunun bir səbəbi jurnalist ixtisası olma-
yanların qəzetlərdə müxbirlik etməsidirsə, digər səbəbi kom-
pyuterlə bağlıdır. Kömpyuterdə mətn yığanların savad dərəcə-
sinin aşağı olması, Azərbaycan dilini kifayət qədər dərindən 
bilməməsi qəzet və jurnal səhifələrini səhvlərlə doldurur. Nəş-
riyyat, poliqrafiya sahəsindəki keyfiyyəti unudub, kəmiyyətə 
qaçmanı da nəzərə alsaq, deyə bilərik ki, hazırda mətbuat, po-
liqrafiya (televiziya aparıcılarının nitqini də nəzərə almaqla) 
Azərbaycan ədəbi dilinin inkişafına nəinki yardımçı və ya vasi-
təçi deyil, hətta bu inkişafı ləngidən, səhv istiqamətə yönəldən 
amillərdəndir.
Ümumən götürdükdə, ədəbi dilimizin leksik qatında çox 
sürətli genişlənmə, dəyişmə, əgər belə demək mümkünsə, zən-
ginləşmə getməkdədir.
Dilin leksik qatında zənginləşmənin isə iki mənbəyi mə-
lumdur:
1. Daxili mənbələr
2. Xarici mənbələr
Azərbaycan ədəbi dilinin müasir dövrü üçün fərqləndirici 
cəhət xarici mənbələrin öndə olması ilə səciyyələnir. Başqa 
sözlə müasir Azərbaycan ədəbi dilinin lüğət tərkibi əcnəbi 
dillərdən söz almaq istiqamətində zənginləşməkdədir.
Xarici mənbələr
sırasında qohum dillərin Azərbaycan 
ədəbi dilinə söz vermə imkanları daha geniş olub digər dillər-
dən söz alma prosesindən fərqlənir. Belə ki, Türkiyə türkcəsin-
dən dilimizə daxil olan sözlər iki cəhəti ilə başqa alınmalardan 
seçilir:

---