Fumiqasiya zər

8.Anbarların zərərsizləşdirilməsi

8.1. Anbarların və anbarlara yığılan məhsulların zərərsizləşdirilməsi üçün aşağıdakı preparatlar tətbiq olunur:

- fosfın tərkibli preparatlar;

- kontakt təsirli insektisidlər.

8.2. Bütün növ zərərsizləşdirməni həyata keçirməzdən əvvəl zərərsizləşdirilməli olan anbar otaqlarının mexaniki təmizlənməsi aparılır.

8.3. Zərərsizləşdirməyə başlamazdan əvvəl anbar otağının boş hissələri, qapı və pəncərələr, kamizlər, sütunlar və s. hissələr təmizlənilir.

8.4. Mexaniki təmizləmə zamanı məhsul qalaqlarının üzərini brezentlərlə örtür, həmçinin zibil və tozun məhsulların üzərinə düşməsinin qarşısım almaq üçün digər ehtiyat tədbirləri görülür.

8.5. Qaz və ya aerozol üsulları ilə zərərsizləşdirmə apararkən qaz və ya aerozol sızmasının qarşısını almaq üçün mexaniki təmizləmədən sonra zərərsizləşdirilən otaqların hermetikləşdirilməsi aparılır. Zərərsizləşdirilmədən əvvəl anbar otaqlarının bütün dəlikləri tutulur, pəncərələr, lyuklar, ventilyasiya dəlikləri bağlanılır, həmçinin fumiqasiya mütəxəssislərinin giriş-çıxışı üçün lazım olan qapıdan başqa, digər qapılar içəridən kilid və s. vasitələrlə bağlanılır.

8.6. Anbarlarda fosfın əsaslı preparatlarla fumiqasiyaya o zaman yol verilir ki, anbarlarda temperatur 10°C yuxarı və məhsulun temperaturu 15°C-dən aşağı olmasın.

8.7. Preparatların dənələri və ya həbləri döşəmədə altlıqlarda bərabər şəkildə yerləşdirilir. Bu zaman onlar altlıqlarda mütləq bir qat düzülür. Dənələr və ya həblərin düzülməsi üçün şüşə boşqablardan, sintetik plyonka parçalarından (ölçüsü 1 x 1 m) İstifadə etmək olar.