3. Lotin Amerikasi modeli – hom ashyo tamoyiliga qurilib, undiruvchi sanoat tarmoqlarining rivojlanganligi, mehnat resurslarining ortiqchaligi, xufyona narkokapitalning yuqori hissasi, eksportning past, tovar va xizmatlar importining esa yuqori darajasi iqtisodiyotda mayda tovar ishlab chiqarishning sezilarli darajasi bilan tavsiflanadi.
4. Osiyo – Tinch okeani modeli (XX asr 70–80-yillarda shakllangan)ning tipik xususiyati – yuqori texnologiyaga egaligi, tabiat va inson resurslaridan oqilona foydalanish, ishlab chiqarish ilmiy bazasining rivojlanganligidir.
5. Afrika iqtisodiy taraqqiyot modeli – tipik xom ashyo yo‘nalishi, iqtisodiyotda past unumdorlik darajasi, mehnat resurslarining ortiqchaligi, aholi turmushining past darajasi, infratuzilmaning rivojlanmaganligi, urug‘chilik, qabilalar o‘rtasidagi urushlar, ijtimoiy-siyosiy barqarorlik bilan xarakterlanadi.
6. Postsovet iqtisodiy taraqqiyot modeli– asosan MDH mamlakatlariga xos bo‘lib, ularni ishlab chiqarish texnologiyasining umumiy xususiyati, yagona andozalar, iqtisodiyotni isloh qilishning umumiy vazifalari birlashtiradi. Sobiq Ittifoq respublikalarining 70 yildan ortiq birga bo‘lishi iqtisodiy munosabatlarining yaqinlashuviga o‘z ta’sirini o‘tkazmasdan qolmadi. XX asr 90-yillari boshida va o‘rtalariga kelib ham mamlakatlar tashqi savdo aylanmasining yarmidan ko‘prog‘i MDHga to‘g‘ri kelar edi. Ammo, keyinchalik bu tendensiya milliy taraqqiyot modellari etakchi o‘rinni egallay olmadi. O‘zbekistonning tashqi iqtisodiy faoliyatida sanoati rivojlangan mamlakatlar birinchi darajasiga ko‘tarildi.
Taraqqiyotning global modellaridan tashqari dunyodagi AQSH, Angliya, YAponiya, Germaniya kabi ayrim rivojlangan va boshqa rivojlanayotgan mamlakatlarda quyidagi modellar ham ko‘zga tashlanadi.
1. “Amerika modeli”da bozor munosabati nihoyatda liberalligi bilan xarakterlanadi. Davlatchilik asoslari va demokratik tamoyillar muqaddasligi, o‘z kuchiga tayanishga o‘rgatiladi. «AQSH millatlar hamjamiyati” g‘oyasida birlashgan davlatdir.
