Giriş. Dəmiryol nəqliyyatının rolu və vəzifələri

Qatarların hərəkət qrafikinin tərtib edilməsi

Qatarların hərəkət qrafiki dəmiryol nəqliyyatının istismar işinin qabaqcıl normaları və dispetçerlərin, maşinistlərin, stansiya işçilərinin qabaqcıl iş təcrübəsi əsasında tərtib edilir və dəmiryol nəqliyyatının texniki vasitələrindən daha səmərəli istifadəni nəzərdə tutmalıdır.qrafikin qurulmasının başlıca vəzifələri istismar göstəricilərinin (sahə və marşrut sürətlərinin, lokomotivlərin orta sutkalıq yürüşünün və s.) yüksək qiymətlərinə nail olmaqdan, stansiyaların ritmik işini təmin etməkdən və qatarburaxma qabiliyyətindən maksimum istifadə etməkdən ibarətdir. Hərəkət qrafiki aşağıdakı ilkin verilənlərin əsasında tərtib edilir:

• 
  sərnişin qatarlarının kateqoriyalar üzrə kütlə normaları və hərəkət ölçüləri;
  
• 
  yük qatarlarının kateqoriyalar üzrə hərəkət ölçüləri, kütlə və uzunluq normaları;
  
• 
  qatarların mənzillər üzrə hərəkət müddəti, stansiya intervalları;
  
• 
  lokomotivlərin dövretmə sahələri və briqadaların dəyişmə məntəqələri haqqında məlumat;
  
• 
  qatarların təşkil olunması planı;
  
• 
  lokomotiv briqadalarının fasiləsiz iş normaları;
  
• 
  mənzillərin uzununa profili;
  
• 
  yerli işin həcmi və təşkili üsulu;
  
• 
  “texnoloji pəncərə” lərin müddəti.
  

Qrafikdə, ilk növbədə sərnişin qatarları, sonra isə təcili yük və digər qatarlar buraxılır. Yolun və digər qurğuların təmiri üçün qrafikdə ayrılan “texnoloji pəncərə”lərin müddəti hərəkət intensivliyindən asılı olub, yolun əsaslı təmiri zamanı 4-6 saat təşkil edir.