Hayot faoliyati xafsizligi

2.2. Shaxtadagi suvni chiqarib tashlashni texnologik sxemasi
Konchilik korxonalaridan suvni chiqarib tashlash ishlarini tashkil etish uning texnologik sxemasini tanlashdan boshlanadi. Suvni chiqarib tashlash shaxtada foydali qazilmani qazib olish ishlari olib boriladigan qavatlar (gorizont) soni, shaxtaning chuqurligi, suv oqimining miqdori va uning kimyoviy xossalari hamda suv chiqarish qurilma uskunalarining texnik ko’rsatkichlari asosida tuziladi.
Foydali qazilmani qazib olish ishlari bir qavatda olib boriladigan shaxtalarda suvni chiqarib tashlash nasoslarni tashqi tarmoq bilan alohida (1a-rasm), ikki va undan ko’p nasoslarni birgalikda ulab (1b,v-rasm) hamda kon suvini bosqichma-bosqich (1g-rasm) chiqarish sxemalari bilan tashkil etiladi.
Sersuv va chuqur bo’lmagan konlarda hamda nasosning texnik ko’rsatkichlari (zo’riqma va unumdorlik) suv oqimini yer satxiga chiqarish imkoniyati bo’lgan hollarda shaxtadagi suvni chiqarib tashlash nasosni tashqi tarmoq bilan alohida ulab ishlatish yo’li bilan bajariladi. (1a-rasm)
Chuqur bo’lmagan lekin sersuv konlarda bir necha nasoslarni tashqi tarmoq bilan parallel (1b-rasm) va sersuv bo’lmagan chuqur konlarda esa ketma-ket ulab (1v-rasm) shaxtadagi suvni chiqarib tashlash tashkil etiladi.
Bosqichma-bosqich suv chiqarish sxemasi (1g-rasm) suv quvur devor sirtiga bo’ladigan bosimni kamaytirish va uni ishonchli ishlashini ta’minlash maqsadida qo’llaniladi.
Foydali qazilmani qazib olish ishlari bir vaqtda bir necha qavatda olib boriladigan konlarda suv chiqarish ishlarining texnologik sxemalari turlicha bo’ladi.
Birinchi usul (2a-rasm).Konning har bir qavatida suv chiqarish qurilma o’rnatiladi va bu qurilmalar bilan har bir qavatdagi suv alohida- alohida yer sathiga chiqariladi. Bu usul konning qavatlaridagi suv oqimining miqdori yuqori bo’lgan konlarda qo’llaniladi.
Ikkinchi usul (2b-rasm).Konning pastki qavatida barcha qavatlardagi suv oqimlar miqdoriga hisoblangan suv chiqarish qurilma o’rnatiladi.Yuqori qavatdagi suv oqimi pastki qavatga, ya’ni suv chiqarish qurilma suv to’plagichga tushiriladi. U yerda konning barcha qavatlaridagi suvlar to’planadi va suv chiqarish qurilma bilan yer satxiga chiqariladi. Bunday usul yuqori qavatdagi suv oqimining miqdori pastki qavatdagi suv oqimining miqdoridan kam bo’lgan konlarda qo’llaniladi.
Uchinchi usul (2v-rasm). Konning yuqori qavatida barcha qavatlardagi suv oqimi miqdoriga mo’ljallangan va pastki qavatda esa shu yerdagi suv oqimiga hisoblangan suv chiqarish qurilmalari o’ranatiladi. Pastki qavatdagi suv oqimi u yerda o’rnatilgan suv chiqarish qurilma bilan yuqori qavatdagi suv to’plagichga ko’tariladi. U yerda yuqori qavatdagi suv oqimi bilan yig’iladi va suv chiqarish qurilma bilan yer sathiga chiqariladi. Bunday usul chuqur konlarda va katta bosimga bardosh beraoladigan suv quvur bo’lmagan hollarda qo’llaniladi.
To’rtinchi usul (2a-rasm).Qavatlardagi suvning kimyoviy xossalari (neytral, ishqoriy kislotali) turlicha bo’lgan konlarda har bir qavatdagi suv oqimi alohida-alohida yer sathiga chiqariladi.
Konlarda suv chiqarish ishlarini tashkil etishda nasosxona va suv to’plagich kletli stvol atrofi qo’rasida joylashtiriladi. Bunday joylashtirish quyidagi afzalliklarga ega: suv haydaluvchi quvurning nasosxonadan stvolgacha bo’lgan bo’lak uzunligi qisqa bo’ladi. Bu esa suv chiqarish qurilma uchun sarflanadigan harajatlarni kamaytiradi; nasosxona toza havo oqimi bilan shamollatiladi. Natijada suv chiqarish qurilma elektr jihozlari uchun xavfsiz ishlash sharoiti yaratiladi;
suv chiqarish qurilma uskunalarini stvol atrofi qo’rasidan nasosxonagacha tashish ishlarini osonlashtiradi. Bu esa qurilma uskunalarini o’rnatish (montaj), texnik xizmat ko’rsatish va buzish (demontaj)da qulayliklar yaratadi; kondagi barcha lahimlar stvol atrofi qo’rasi tomon qiya qilib o’tilishi sababli lahimlardagi suvlar o’z oqimi bilan suv to’plagichga kelib quyiladi; suv chiqarish qurilmaning elektr energiya bilan ta’minlash osonlashadi; zumfdagi suvni ko’tarish balandligi minimal bo’ladi.
Suv chiqarish qurilmani loyihalash jarayonida konning chuqurligi, undagi suv oqimining miqdori va foydali qazilmani qazib olish ishlari olib boriladigan qavatlar soni asosida yuqorida keltirilgan sxemalardan biri tanlanadi.



a

b



v

g

1-rasm

v

b

a

2- rasm