Tadqiqot asosiy masalari va ilmiy farazi:Bizning taxminimizcha, maxsus MTT pedagog xodimlarida kasbiy kuyish xususiyati uning ishga layoqatlilik ko’rsatkichi bilan o’zaro bog’langan bo’lishi mumkin.
“Kasbiy kuyishni aniqlash” metodikasiga ko’ra, sinaluvchilar tahlil natijasida past ko’rsatkich qayd etilsa, emotsional holatlarda o’z-o’zini nazorat qilish taxmin qilinadi.
Taxminimizcha, kasbiy faoliyatda yuzaga keladigan emotsional zo’riqishning oldini olishda shaxsni barkamollashtiruvchi trening mashg’ulotlari va psixologik xizmat yo’nalishi sifatida profilaktik tavsiyalarni ishlab chiqish orqali pedagog xodimlarda kasbiy kuyish sindromi kamayishiga erishish mumkin.
Tadqiqotda qo’llanilagan metodikalar tavsifi
Emotsional holatlarda o’z-o’zini nazorat qilish so’rovnomasi
A.B.Leonova Surunkali charchoqni aniqlash so’rovnomasi
Matematik statistik tahlil metodi (Mann Uitni, Spirmen, Wilkokson mezonlari bo’yicha).
1-BOB.
Maxsus maktabgacha ta’lim tashkiloti pedagog xodimlari faoliyati VA kasbiy kuyish sindromining ILMIY-NAZARIY O’RGANILGANLIGI
1.1.
Maxsus maktabgacha ta’lim tashkiloti pedagog xodimlari faoliyatining psixologik jihatlari o’rganilganligi
«Emosional charchash» sindromi – bu ish joyidagi surunkali hal etilmagan stress natijasida rivojlanadigan hissiy, aqliy, jismoniy charchoq holati. O’qituvchining salbiy psixologik holati bolalarni tarbiyalash va o’qitish samaradorligini pasaytiradi, o’quvchilar, ota-onalar, hamkasblar bilan munosabatlarda nizolarni kuchaytiradi, xarakter tuzilishi va kasbiy fazilatlarida salbiy xususiyatlarning paydo bo’lishi va mustahkamlanishiga yordam beradi, psixologik va salomatlik holatni buzadi. Hissiy charchash omillarini aniqlash o’qituvchini psixologik jihatdan sog’lom inson va samarali mutaxassis sifatida saqlashga imkon beradi.
