Polietilen qaz kəmərlərinin çəkilməsi borunun yuxarı səthindən neçə metr dərinlikdə nəzərdə tutulmalıdır və maillik nə qədər olmalıdır?
Polietilen qaz kəmərlərinin çəkilməsi borunun yuxarı səthindən 1m-dən az olmayan dərinlikdə nəzərdə tutulmalıdır.
Mailliyi 1:5 və daha cox olan yerlərdə çəkilən qaz kəmərləri üçün xəndəklərin yuyulmasının qarşısını ala biləcək tədbirlər nəzərdə tutulmalıdırlar. Qaz kəmərilərinin 1:2 və daha çox mailliklə çəkilməsinə yol verilmir.
Qaz tənzimləyici məntəqənin (QTM) funksiyası nədən ibarətdir və hansı yerlərdə yerləşdirilməlidir?
Qazın təzyiqinin aşağı salınması və tələb olunan səviyyədə saxlanılması üçün qaz təchizatı sistemlərində QTM və ya QTQ nəzərdə tutulmalıdır.
QTM texniki təyinatından və texniki məqsədə uyğunluğundan asılı olaraq aşağıdakı yerlərdə nəzərdə tutulmalıdır:
iqlim şəraiti texnoloji avadanlıqların (pasport göstəricilərinə əsasən) və nəzarət ölçü cihazlarının (NÖC) normal işini təmin edirsə, sənaye müəssisələrinin ərazilərində açıq hasara alınmış sahələrdə talvarın altında.
QTM-in yasayıs və ictimai binaların daxilində və onlara əlavə edilmiş tikililərdə (istehsalat xarakterli binalardan başqa) nəzərdə tutulması, həmçinin təyinatından asılı olmayaraq butun binaların zirzəmi və kürsülu otaqlarında yerləsdirilməsi qadağan olunur.
İqlim şəraiti imkan verərsə, avadanlıqların bir hissəsini (siyirtmələr, süzgəclər və.s.) QTM-dən çıxarmağa yol verilir. QTM-dən kənarda yerləşdirilən avadanlıqlar QTM binasına bitişik hasarla və ya QTM-in ümumi hasarı ilə əhatə olunmalıdırlar.
