18.1. BƏDƏNİN MÖHKƏMLƏNDİRİLMƏSİNİN ƏSASLARI
Bədəni möhkəmləndirməyə bütün yaşlarda başlamaq olar, lakin nə qədər tez başlanarsa, orqanizm xarici mühitin mənfi təsirlərinə qarşı bir o qədər davamlı olar. Bədəni möhkəmlətməyə başlamazdan əvvəl mütləq həkimlə məsləhətləşmək lazımdır. Həkim bədənin sağlamlıq vəziyyətini təyin etməkdən əlavə, onu hansı üsulla möhkəmlətməyi və möhkəmləndirici amillərin dozalarını seçməyə də kömək edir.
Bədəni möhkəmlətmək yalnız bütün proseduraları düzgün yerinə yetirdikdə səmərəli olur. Aparılan tədqiqatlar və təcrübələrə əsasən bədəni möhkəmlətməyin aşağıdakı gigiyenik prinsiplərini təsdiqləmək olar: müntəzəmlik, tədricilik və ardıcıllıq, vasitə və üsulların müxtəlifliyi, özünə nəzarət, fərdi xüsusiyyətlər, aktiv rejim, ümumi və yerli proseduraların əlaqələndirilməsi.
Dostları ilə paylaş: |
