2. Erkən uşaqlıq və ya körpəlik dövrü(1-3 yaş). Bu dövrdə uşağları ətraf mühitin mənfi təsirlərindən qorumaq, onun ətrafında xoş mühit yaratmağa çalışmaq lazımdır. Körpənin lazımi qədər yatmasına, düzgün yedizdirilməsinə, açıq havada əlverişli mikroiqlim şəraitində olmasına fikir verilməlidir. Eləcə də, uşağı bədən tərbiyəsi hərəkətlərinə, cürbəcür oyunlara, bədəni hava, su və günəş ilə möhkəmləndirmək, ilk gigiyenik vərdişlərə alışdırmaq və öyrətmək lazımdır. Bu dövrdə uşaqlar əsasən qızılca, skarlatina, göy öskürək, epidermik parotit, angina ilə daha çox xəstələnirlər. Buna görə də dövrdə ətraf mühiti təmiz saxlamalı, xüsusi profilaktik peyvəndlər edilməlidir. Bu dövrdə uşaqlar üzərində lazımi nəzarət olmadıqda, bədbəxt hadisələr (zədələnmələr, yanıqlar, zəhərlənmələr) baş verə bilər.
