Havanın qaz tərkibinin dəyişilməsi. İdman təbabətində bu sınaq əksər hallarda hipoksemik, yəni udulan alınan havada oksigenin gərginliyinin azalması sınağı kimi tətbiq edilir. Bu sınaq hipoksemik sınaqlara aiddir. Oksigenin azaldılması dərəcəsi müayinələrin məqsədindən asılı olaraq həkim tərəfindən təyin edilir. İdman təbabətində hipeksemik sınaqlar məşq prosesində və ya yarışlar zamanı dağ şəraitində hipoksiyaya dözümlük qabiliyyətinin öyrənilməsi üçün tətbiq edilir.
Dərman vasitələrinin yeridilməsi. Dərman vasitələrinin yeridilməsi, bir qayda olaraq norma ilə patologiya arasında fərqi aydınlaşdırmağa imkan verir. Əksər hallarda dərman vasitələrinin istifadəsi zamanı ürək qan-damar sisteminin göstəriciləri müayinə edilir. Bu onunla əlaqədardır ki, ürək-damar sistemi müxtəlif təsirlərə çox asanlıqla reaksiya verir.
