Təbriz silahlı üsyanı (1907-ci il, fevral). Üsyan 08 fevral 1907-ci il tarixdə başladı.Üsyana “Gizli mərkəz” rəhbərlik edirdi.Üsyan nəticəsində Təbrizdə hakimiyyət “Azərbaycan əyalət əncümanı”nın əlinə keçdi. Cənubi Azərbaycan İran inqilabının mərkəzinə çevrildi. Azərbaycan deputatları Tehrana gəldilər və hakimiyyətin “Azərbaycan əyalət əncümanı”na verilməsi tələblərini şaha təqdim etdilər. Onların tələbləri yerinə yetirildi və Cənubi Azərbaycanda real hakimiyyət Azərbaycan əyalət əncümanına verildi. Tezliklə Azərbaycan əyalət əncümanı öz silahlı dəstələrini təşkil etdi, bir sıra demokratik tədbirlər həyata keçirdi. 07 oktyabr 1907-ci il tarixdə Məmmədəli şah konstitusiyaya imza atdı.
