Informatikani o‘qitishda zamonaviy pedagogik texnologiyalarining o‘rni

Kurs ishning maqsadi. Umumiy o’rta ta’lim maktabining V sinf o’quvchilarda kompyuter savodxonligini shakllantirish, Informatika va axborot texnologiyalari fanini o’qitish va undagi amaliy dasturlardan foydalana olishga o’rgatish muhim masalalardan biri hisoblanadi. Umumiy o’rta ta’lim maktablarida Informatika va axborot texnologiyalari fanini o’qitish jarayonida noan’anaviy ta’lim usullarining ilmiy-nazariy va tashkiliy-uslubiy jihatlarini o’rganish va qo’llashning amaliy tavsiyalarini ishlab chiqish. Informatika va axborot texnologiyalarini o’qitish mazmunini kasbiy soha yo’nalishlaridan kelib chiqqan holda belgilash, shu mazmunga mos o’quv-metodik materiallar majmuasini ishlab chiqish va o’quvchilarga zamonaviy o’qitish metodlaridan foydalanib yetkazib berish asosiy vazifalardan biridir.
Kurs ishining vazifasi. - Ta’lim jarayonini tashkillashda innovatsion texnologiyalardan foydalanishning mavjud pedagogic sharoitlarini aniqlash;
- Innavatsion texnologiyalardan foydalanib informatik ta’lim berishda interfaol metodlardan foydalanganlik darajasini aniqlovchi mezonlar ishlab chiqish;
- Ta’lim jarayonini tashkillashda innovatsion texnologiyalardan samarali foydalanib, ta’lim berishning mazmuni, shakl va vositalarini ishlab chiqish va tajriba sinovidan o’tkazish.
-Umumiy o’rta ta’lim maktabining V sinf o’quvchilarda Informatika va axborot texnologiyalari fanini o’qitish va undagi “Windows operatsion sistemasi” mavzusini o’qitishda modulli, didaktik-o’yinli texnologiyalardan foydalanish.
Tadqiqot ob’ekti: Umumiy o’rta ta’lim maktabining V sinf o’quvchilarida Informatika va AT fanining ta’lim jarayoni.
Tadqiqot predmeti: Umumiy o’rta ta’lim maktabining 5-sinf o’quvchilarida informatika va AT fanini noan’anaviy ta’lim usullarini tatbiq etish, o’quvchilarda kompyuter savodxonligini shakllantirishda faol o’qitish metodlarining amaliy va metodik jihatlarini ko’rsatib berish.
Ishning ilmiy-amaliy ahamiyati. Ta’limni kompyuterlashtirish, yangi axborot va pedagogik texnologiyalarni hayotga tatbiq qilishda, informatika umumta’lim fanini o’qitishda yutuqlar bo’lsa-da, yechimini kutayotgan muammolar ham ko’p. Tadqiqot natijasida respublikamiz ta’lim muassasalarida “Umumiy o’rta ta’lim maktablarda informatikaning boshlang’ich mavzulari ya’ni “Windows operatsion sistemasi” mavzusini o’qitishda mavjud kamchiliklar va yutuqlar o’rganildi. Natijada ushbu mavzuni o’qitish, noan’anaviy ta’lim usullarini foydalanishning takomillashtirishi bo’yicha taklif va tavsiyalar berildi.