Iqtisodiyot va turizm

3-Jadval

2017-2020 yillarda O`zbekiston iqtisodiyotini innovatsion rivojlantirishning maqsadli ko`rsatkichlari

Ko`rsatkichlar % da	2017 yil	Prognoz ko`rsatkichlar (2017-2020 y.)
Ilmiy tadqiqotlarga yo`naltirilgan xarajatlarning YAIM dagi ulushi	1.0	3.0
YUqori texnologiyali tarmoqlarning YAIM dagi ulushi	15.0	31.0
Innovatsion mahsulotlarning YAIM dagi ulushi	15.0	22.0
Innovatsion faoliyatga yo`naltirilgan xarajatlarning ulushi (mahsulot umumiy qiymatida)	2.8	5.0
Eksport tarkibida innovatsion mahsulotlar ulushi	15.0	28.0
Aniq fanlar va injenerlik mutaxassisligiga talabalarni qabul qilish	40.0	45.0

Manba: O`zbekiston Respublikasi Davlat statistika qo`mitasi ma`lumotlari asosida tuzildi.
Jadval ma`lumotlaridan ko`rishimiz mumkinki, yaqin kelajakda O`zbekiston Respublikasi iqtisodiyotini innovatsion rivojlantirish maqsadida bir qator yo`nalishlar tanlab olingan. Jumladan, innovatsion mahsulotlarning YAIM dagi ulushi 2017 yilda 15 % ni tashkil etgan bo`lsa, 2020 yilda bu ko`rsatkichni 22

% ga etkazish rejalashtirilgan. Innovatsion faoliyatga yo`naltirilgan xarajatlarning mahsulot umumiy qiymatidagi ulushi 2017 yilda 2.8 % dan 2020 yilda 5 % ga etkazish ko`zda tutilgan.

Innovatsion texnologiyalar doirasidagi ilmiy yondashuvlar shuni ko`rsatadiki, biror tizim yoki korxonaning har jihatdan rivojlanishi ulardagi mustahkam innovatsion tizim mavjudligi bilan belgilanadi. Real sektor korxonalarini tadqiq etar ekanmiz, ularning o`z imkoniyatlaridan samarali

foydalanayotganliklarini guvohi bo`lamiz.

Quyidagi grafikda O`zbekiston Respublikasi viloyatlari bo`yicha 2016 yilda innovatsion texnologiyalar joriy qilgan tashkilotlar va innovatsiyalar soni keltirilgan²⁴ (rasm).

4. 
   rasm. Innovatsion texnologiyalar joriy qilgan tashkilotlar va innovatsiyalar soni. Manba: O`zbekiston Respublikasi Davlat statistika qo`mitasi rasmiy sayti ma`lumotlari.
   

Rasmdan ko`rishimiz mumkinki, respublika bo`yicha 2016 yilda har bir innovatsion faol tashkilot o`rtacha 2 tadan innovatsiya joriy qildi. Jumladan har bir innovatsion faol tashkilotga Andijon, Farg’ona viloyatlari, Toshkent shahrida o`rtacha 3 tadan innovatsiya, Buxoro, Qashqadaryo, Navoiy, Samarqand, Sirdaryo, Toshkent viloyatlarida o`rtacha 2 tadan innovatsiya, Qoraqalpog’iston Respublikasi, Jizzax, Namangan, Surxondaryo va Xorazm viloyatlarida o`rtacha 1 tadan innovatsiya joriy qilingan.

Albatta yuqoridagi raqamlardan real sektor korxonalari innovatsion faoliyati sohasidagi ijobiy holatni ko`rishimiz mumkin. Ammo tahlillar natijasi shuni ko`rsatadiki, hozirda real sektor korxonalari oldida bir qancha muammolar ko`ndalang turmoqda:

-innovatsion salohiyatning pastligi;

-ushbu faoliyatni kengaytirish uchun korxonalar ichki mablag’larining etishmasligi;

-iqtisodiy risklarning yuqoriligi va qoplanish muddatlarining uzoqligi;

-ishlab chiqarishni rivojlantirishning uzoq muddatli yo`nalishlarini ko`ra olmaslik.

Mamlakat iqtisodiyoti va korxonalarda innovatsion jarayonlarni tizimli shakllantirishga taalluqli muammolarni hal etishga uringan olimlarning ilmiy ishlarini o`rganish shuni ko`rsatadiki, innovatsion faoliyatning samaradorligi, birinchi navbatda, moliyaviy resurslar bilan ta`minlanganlik darajasiga bog’liq. Innovatsion faoliyat negizida yotgan iqtisodiy muammolarni hal etish uchun esa ishlab chiqarish jarayonining barcha ishtirokchilari: ishlab chiqaruvchi kuchlar, ilmiy-tadqiqot olib boruvchi muassasalar va moliya institutlari o`rtasidagi o`zaro munosabatlarning rivojlanishini talab etadi.

Darhaqiqat, mamlakat iqtisodiyotining rivojlanish yoki xo`jalik faoliyatining samaradorligi innovatsion faoliyat orqali amalga oshiriladi. Unda yangi g’oyalarni shakllanadi, ishlab chiqarish esa yangi texnika va texnologiyalar bilan qurollanadi natijada raqobatdosh mahsulotlar yaratiladi. Mamlakatimizda 2017 yilda 1083 ta korxona va tashkilotlar tomonidan 2216 turdagi texnologik innovatsiya joriy etilgan. Joriy qilingan texnologik innovatsiyalarning 975 tasi ya`ni 44 foizi kichik korxona va mikrofirmalar hissasiga to`g’ri keladi. Bu ko`rsatkichlardan yaqqol ko`rinib turibdiki, innovatsiyalarni joriy qilishning salmoqli qismi kichik korxonalar hisobiga to`g’ri keladi.

Kichik biznes jamiyatni rivojlantirishda katta ahamiyat kasb etadi. Kichik korxonalar faqatgina yangi ish o`rinlari yaratibgina qolmay, shuningdek iqtisodiy barqarorlikka ham katta ta`sir ko`rsatadi. 2000-2017 yillarda kichik biznes va xususiy tadbirkorlikning YAIMdagi ulushi 31,0 foizdan 50,2 foizga o`sib, 19,2 foiz birlikka ortganligini ko`rish mumkin. Dunyo amaliyotiga bir nazar solsak, bir qator chet el davlatlarida kichik biznesning YAIMdagi ulushini olib qaraydigan bo`lsak, Frantsiyada bu ko`rsatkich 62 foizni, Italiyada - 60 foizni, YAponiyada - 55 foizni, Germaniyada - 54 foizni, Buyuk Britaniyada - 53 foizni, AQSHda - 52 foizni, Qozog’istonda - 25,6 foizni, Rossiyada – 20,0 foizni tashkil etadi²⁵.

CHet el davlatlari kichik biznes va xususiy tadbirkorlik faoliyatining birgina YAIMdagi ulushi orqali tahlil qilsak, yurtimizda mustaqillik yillarida shu sohani rivojlantirish borasida davlat tomonidan qo`llab- quvvatlanayotganligini yoki shu yurtda kichik biznes sub`eklarining samarali faoliyat olib borishlari uchun imkoniyat yaratilganligini uning YAIMdagi ulushini 31,0 foizdan 56,9 foizga oshganligidan ko`rish mumkin. Buni respublikamizning hududlari bo`yicha YAMM dagi ulushini eng ko`p Jizzax viloyatida 77,2% , Surxondaryo viloyatida 74,1 % Buxoro viloyatida 71,1%, Samarqand viloyatida 70,7, Namangan viloyatida 69,7 % ni tashkil etgan. SHuningdek Navoiy viloyatida bu ko`rsatkich ancha past bo`lib u 32,6 % ga teng bo`lib qolmoqda²⁶.

Kichik biznes sub`ektlari innovatsiya sohasidagi faoliyatini ko`pincha oxirigacha etkaza olmay qoladi yoki to`liq, samarali yurita olmaydi, natijada esa yopilishiga to`g’ri keladi. Ularning innovatsion mahsulotlar ishlab chiqarishiga bo`layotgan jiddiy to`siqlardan biri moliyaviy mablag’larning etishmasligidir. SHuning uchun ham kichik biznes korxonalari va xususiy tadbirkorlikning milliy iqtisodiyotimizdagi salohiyatini oshirish va ularning to`laqonli innovatsion faoliyatini rivojlantirish bo`yicha ayrim mulohaza va takliflarni bildirish maqsadga muvofiqdir

Mamlakatimizda kichik biznes korxonalarining samarali innovatsion faoliyat yuritishlari uchun etarli darajada shart-sharoitlar va to`laqonli muhit yaratilishi lozimdir. Bunda davlatning amalga oshirilayotgan iqtisodiy islohatlar doirasida kichik biznes va xususiy tadbirkorlik sub`ektlarining innovatsion faoliyatini tizimli boshqarish va rivojlantirish orqali raqobatchilik muhitini shakllantirishga, bozor munosabatlarini yanada rivojlantirishga yordam berishi ko`zda tutilishi zarurdir. Iqtisodiyotning real sektorida innovatsion faoliyat ko`rsatayotgan, ichki bozor uchun yangi xaridorgir, kam xarajatli yangi turdagi mahsulotlar ishlab chiqaradigan, mahsulotlari eksportga yo`naltirilgan kichik biznes korxonalari uchun yana qo`shimcha imtiyozlar berish, shuningdek horijiy investitsiyalarni jalb qilish uchun zarur bo`ladigan, ularning ixtyoridagi kerakli

mablag’larni horijiy valyutalarga konvertirlashdagi muammolar va sun`iy to`siqlarni bartaraf etishda davlat ko`maklashishi darkor. Bugungi kunda mamlakatimizda innovatsiya faoliyatini samarali rivojlantirish va qo`llab- quvvatlashni nazarda tutadigan alohida qonun qabul qilish zarurati yuzaga kelgan deb o`ylaymiz.

SHu o`rinda ta`kidlash lozimki, ba`zi holatlarda vazirlik va idoralar darajasida qabul qilinayotgan me`yoriy hujjatlar tadbirkorlarning konstitutsiyaviy va qonuniy huquqlarga ziddir. Idoraviy me`yoriy hujjatlarning tez-tez o`zgarib turishi tadbirkorlarning uzoq muddatli biznes rejalar tuzishiga va ularni bajarishiga imkoniyat bermaydi. Fikrimizcha, tadbirkorlik faoliyatini faqat Parlament qonunlari asosida tartibga solish, bunday qonunlarni ishlab chiqishda tadbirkorlik sub`ektlarining vakillarini keng jalb qilish, ularning yuqori samara beradigan takliflarini albatta inobatga olish zarurdir. Davlat va tadbirkorlar sinfi o`rtasida aniq va doimiy dialog o`rnatilishi lozim.

Davlatning tartibga solish funktsiyasi (tadbirkorlikni) ichki va tashqi bozorlardagi iqtisodiy vaziyatlarga qarab o`zgarib borishi, iqtisodiyot qanchalik zamonaviy bo`lsa, u ham shunchalik mos bo`lishi kerak. Regionlar kesimida ham kichik biznes sub`ektlarining innovatsion faoliyatini rivojlantirish masalalari hali to`laqonli echimini topgani yo`q, chunki mintaqalarning ijtimoiy-iqtisodiy rivojlanishidagi tafovutlarini davom etayotganligi innovatsion rivojlanishdagi mutanosibliklarni ham keltirib chiqarmoqda.

Hududlarda ko`pincha innovatsion faoliyat ko`rsatayotgan kichik korxonalar yirik korxonalar bazasida tashkil etilgan bo`lib, asosan ularga kerak bo`ladigan oraliq va butlovchi materiallar ishlab chiqarishga yo`naltirilgan. Alohida yangi turdagi provard mahsulotlar ishlab chiqarishga mo`ljallangan kichik biznes sub`ektlari soni esa hali juda ozdir. Regionlarda investitsiyalarni jalb etish bo`yicha mahalliy dasturlarda innovatsiya va texnologiyalarni kiritishni ko`zda tutuvchi innovatsion loyihalar o`z aksini topmayapti yoki ular to`g’risida aniq ma`lumotlar berilmaydi. SHuning uchun ham hududlarni ijtimoiy- iqtisodiy rivojlantirishni ifoda etadigan regional dasturlarda innovatsion texnologiyalarni

jalb etish ko`zda tutilgan kichik biznes korxonalari tashkil etish masalasiga e`tiborni kuchaytirilishi o`rinli bo`ladi.

Umuman olganda, iqtisodiyotni modernizatsiyalash sharoitida avvalo regionlarni rivojlantirish strategiyasi aniq maqsadlarga yo`naltirilishi va tegishli vazifalarni hal etishga qaratilishi lozim. Regional maqsadlar va vazifalar birinchi navbatda ishchi kuchlari, investitsiyalar va boshqa cheklangan resurslarga bo`lgan regionlararo raqobatni minimallashtirishni, turli regionlarning strategiyasini va ularni rivojlantirishni ixtisoslashuvi yo`nalishlarini to`ldirishni inobatga olgan holda shakllantirilishi shartdir. Investitsiyalarda ko`proq innovatsion texnologiyalarning ustuvorligini ta`minlash va ularni regionlarga jalb etish mexanizmini takomillashtirish, innovatsion kichik biznesni rivojlantirishni nazarda tutish, iloji boricha iqtisodiyotni tarkibiy yaxshilanishini va ishlab chiqarish samaradorligi o`sishini ta`minlamaydigan yirik loyihalardan voz kechish zarurdir. Regiondagi barcha darajadagi rahbarlar uchun yangi ish joylarini yaratish, soliq solish bazalarini kengaytirish va aholi daromadini oshirish ko`rsatkichlari asosiy kriteriyalar bo`lib qolishi kerak.

Kichik biznes korxonalarining samarali innovatsion faoliyat yuritishlari uchun davlat tomonidan yanada etarli darajada shart-sharoitlar va to`laqonli muhit yaratilgan deb bo`lmaydi. SHu o`rinda ta`kidlash lozimki, ba`zi holatlarda vazirlik va idoralarda qabul qilinayotgan me`yoriy hujjatlar tadbirkorlarning konstitutsiyaviy va qonuniy huquqlarga ziddir. Idoraviy me`yoriy hujjatlarning tez-tez o`zgarib turishi tadbirkorlarning uzoq muddatli biznes rejalar tuzishiga va ularni bajarishiga imkoniyat bermaydi. Fikrimizcha, tadbirkorlik faoliyatini faqat tegishli qonunlar asosida tartibga solish, bunday qonunlarni ishlab chiqishda tadbirkorlik sub`ektlarining vakillarini keng jalb qilish, ularning yuqori samara beradigan takliflarini albatta inobatga olish zarurdir.

Bundan tashqari, davlat va tadbirkorlar sinfi o`rtasida aniq va doimiy dialog o`rnatish, davlat, tarmoq vazirliklari va idoralari, mahalliy hokimiyat organlari miqyosida huquqiy-me`yoriy hujjatlar qabul qilishda va ularni amaliyotga joriy etishda o`zaro mutanosiblikni ta`minlash o`ta muhimdir.

Davlatning tadbirkorlikni tartibga solish funktsiyasi ichki va tashqi bozorlardagi iqtisodiy vaziyatlarga qarab o`zgarib borishi, iqtisodiyot qanchalik zamonaviy bo`lsa, u ham shunchalik mos bo`lishi kerak.

Regionlar kesimida ham kichik biznes sub`ektlarining innovatsion faoliyatini rivojlantirish masalalari hali to`laqonli echimini topgani yo`q, chunki mintaqalarning ijtimoiy-iqtisodiy rivojlanishidagi ayrim tafovutlarning davom etayotganligi innovatsion rivojlanishdagi mutanosibliklarni ham keltirib chiqarmoqda. Mahalliy investitsiya dasturlarida innovatsiya va texnologiyalarni kiritishni ko`zda tutuvchi innovatsion loyihalar o`z aksini topmayapti yoki ular to`g’risida aniq ma`lumotlar berilmayapti. SHuning uchun ham hududlarni ijtimoiy-iqtisodiy rivojlantirishni ifoda etadigan regional dasturlarda ayniqsa, horijiy innovatsion texnologiyalarni jalb etish ko`zda tutilgan kichik biznes korxonalari tashkil etish masalasiga e`tiborni kuchaytirilishi o`rinli bo`ladi.

Umuman olganda, iqtisodiyotni modernizatsiyalash sharoitida avvalo regionlarni rivojlantirish strategiyasi aniq maqsadlarga yo`naltirilishi va tegishli vazifalarni hal etishga qaratilishi lozim. Regional maqsadlar va vazifalar birinchi navbatda, ishchi kuchlari, investitsiyalar va boshqa cheklangan resurslarga bo`lgan regionlararo raqobatni minimallashtirishni, turli regionlarning strategiyasini va ularni rivojlantirishni ixtisoslashuvi yo`nalishlarini to`ldirishni inobatga olgan holda shakllantirilishi shartdir. Investitsiya dasturlarida ko`proq innovatsion texnologiyalarning ustuvorligini ta`minlash va ularni regionlarga jalb etish mexanizmini takomillashtirish, innovatsion kichik biznesni rivojlantirishni nazarda tutish, iloji boricha iqtisodiyotni tarkibiy yaxshilanishini va ishlab chiqarish samaradorligi o`sishini ta`minlamaydigan yirik loyihalardan voz kechish zarurdir. Regionlarda iqtisodiy o`sishni ta`minlashda, kichik biznes sub`ektlarini va xususiy tadbirkorlikni innovatsion asosda tashkil etishda yangi ish joylarini yaratish, horijiy va mahalliy investitsiyalarni jalb etish, soliq solish bazalarini kengaytirish va aholi daromadini oshirish ko`rsatkichlari asosiy kriteriyalar bo`lib qolishi kerak.

Innovatsion g’oyalar, ilmiy tadqiqotlar va ishlanmalar, ularning bevosita

amaliyotga jorish etilishi mamlakatning innovatsion potentsialini baholash, yangi turdagi mahsulotlar va texnologiyalarni yaratishning muhim sharti hisoblanadi. Hozirgi paytda amaliyotda qo`llanishi mumkin bo`lgan ilmiy tadqiqot ishlarining ko`pchiligi tovarlarini sotishdan tushgan foydasining bir qismini ilmiy tadqiqot va tajriba-konstruktorlik ishlarini o`zlari moliyalashtirish imkoniyatiga ega bo`lgan yirik kompaniyalar va korxonalar tomonidan amalga oshirilmoqda. Kichik korxonalarning innovatsion faoliyati natijasi sifatida yuzaga chiqayotgan ilmiy yangiliklarning ulushi ortib borishi lozimdir. Bunday korxonalarning ko`pchiligi o`zlarining shaxsiy ishlab chiqarish ob`ektlariga, laboratoriyalariga va boshqa asbob-uskunalariga ega bo`lmasa-da, lekin iqtisodiyotning etakchi sohalaridagi yirik korxonalar bilan subkontrakt munosabatlari asosida innovatsion jarayonlarini to`g’ri va aqlan tashkillashtirgan holda katta muvaffaqiyatlarga erishishlari mumkin. SHunday asosda tashkil etilgan kichik korxonalar innovatsion faoliyatini yangi texnologiyalarni emas, balki innovatsion mahsulotlarni yaratishga qaratadi.

Tabiiyki, mahsulotlarni yaxshilangan modifikatsiyasi bilan almashtirish ularning ishlab chiqarish xarajatlarini kamaytirish, bozordagi pozitsiyasini kengaytirish va kelgusida innovatsion faoliyatni yanada oshirish imkonini beradi. Hududlarda ko`pincha innovatsion faoliyat ko`rsatayotgan kichik korxonalar yirik korxonalar bazasida tashkil etilgan bo`lib, asosan ularga kerak bo`ladigan oraliq va butlovchi materiallar ishlab chiqarishga yo`naltirilgan. Alohida yangi turdagi provard mahsulotlar ishlab chiqarishga mo`ljallangan kichik biznes sub`ektlari soni esa juda ozdir.

Kichik biznes sub`ektlari innovatsiya sohasidagi faoliyatini ko`pincha oxirigacha etkaza olmay qoladi yoki to`liq, samarali yurita olmaydi, natijada esa yopilishiga to`g’ri keladi. Ularning innovatsion mahsulotlar ishlab chiqarishiga bo`layotgan jiddiy to`siqlardan biri moliyaviy mablag’larning etishmasligidir. Ilmiy-tadqiqot ishlaridan farqli o`laroq, kichik korxonalarning injiniring faoliyatini rivojlantirish darkor. CHunki bunday faoliyat orqali bevosita innovatsion g’oyalarni, modellarni, ishlanmalarning natijaviy ehtimolini

baholash, tijoratlashtirish istiqbollari va texnik prognozlash hamda innovatsion yangiliklarni ishlab chiqarishga joriy etish bo`yicha qarorlar qabul qilinadi. Injiniring faoliyat orqali ham ilmiy tadqiqotlarni va ishlanmalarni, ham ishlab chiqarishni birlashtirish, sanoat mulki ob`ektlarini shakllantirish, yangi texnikalarni loyihalashtirish, ishlab chiqarish va ekspluatatsiya qilishni va buning uchun intellektual, iqtisodiy va boshqa resurslar sarflashni nazarda tutadi.

Kichik korxonalarning esa etishmayotgan resurslarni subkontrakt asosida boshqa korxonalar va ilmiy muassasalardan hamkorlik yo`li bilan jalb qilish imkoniyatiga ega bo`lishi taqoza etiladi. YAngi yoki modifikatsiya qilingan mahsulotlarni yaratish bo`yicha aniq vazifalarni hal etishda yirik va injiniring kichik biznes korxonalari rasmiy yoki norasmiy tarzda birlashishi orqali o`zaro hamkorlik qilishlari mumkin.

Agar ular o`zlarining ilmiy va tajriba-konstruktorlik ishlarini nafaqat murakkab masalalarni echa oladigan yuqori malakali mutaxassislarni jalb qilish, balki mahsulotni tajriba uchun emas, hatto zarur bo`lsa, sanoat partiyalarini ishlab chiqara oladigan kichik biznes korxonalari bilan birga tashkil etishsa, xarajatlarini ham kamaytirish imkoniyatiga ega bo`ladi.

-iqtisodiyot real sektoridagi kichik biznes innovatsiya faoliyatini rag’batlantiruvchi moliyaviy dastaklarni, jumladan soliq va bojxona imtiyozlarini oshirish va boshqa preferentsiyalarning samarali tizimini shakllantirish va joriy qilish;

-moliya-kredit tizimini takomillashtirish hamda innovatsion faoliyat ko`rsatadigan kichik biznes sub`ektlarining kredit manbalari va sarmoyalaridan foydalanish imkoniyatlarini kengaytirish;

-kichik biznes sub`ektlarining innovatsion faoliyatini kafolatlash maqsadida sug’urta tizimining ahamiyatini oshirish.

XULOSA

Ma`lumki, mamlakatimizda kichik biznesning ahvolini tahlil etish, uning innovatsion faoliyatini qo`llab-quvvatlash va moliyalashtirish bugungi kunning asosiy masalalari hisoblanadi.

Respublikada amalga oshirilayotgan modernizatsiya jarayonlari zamonaviy texnikalarni qo`llash imkoniyatlarining yaxshilanib borayotganligi, innovatsiyani keng tarzda qo`llanilayotganligidan dalolat beradi. Innovatsiyani qo`llash maqsadida o`tgan yili faoliyat ko`rsatayotgan korxonalarni modernizatsiya qilish, texnik va texnologik qayta jihozlash hamda zamonaviy, yuksak texnologiyalarga asoslangan yangi ishlab chiqarishni tashkil etishni tezlashtirish borasida faol investitsiya siyosati yuritishga alohida e`tibor qaratildi.

SHunday ekan, iqtisodiyotning real sektori korxonalarini qo`llab- quvvatlash bo`yicha birinchi navbatda ishlab chiqarishni modernizatsiya qilish, innovatsion faoliyatlarni kengaytirish, mustahkam hamkorlikni yo`lga qo`yish, mamlakatimizda ishlab chiqarilgan mahsulotlarga ichki talabni rag’batlantirish masalalari alohida o`rin tutdi.

Yuqoridagilardan xulosa qilib shuni aytish mumkinki, mamlakat iqtisodiyotini innovatsion rivojlantirishda kichik biznes alohida ahamiyat kasb etadi. Buning uchun:

• 
  kichik biznes sub`ektlari faoliyatida „ Smart” texnologiyalar va nou- xaularga asoslangan innovatsion taraqqiyotning yangi modeliga o`tish;
  
• 
  yangi mahsulot yaratish uchun bozor sig’imini shu mahsulot turiga nisbatan o`rganish;
  
• 
  yangi mahsulot turini yaratish uchun tezkor tayyorgarlik holatini o`rganish,;
  
• 
  ixtisoslashtirilgan ishlab chiqarish yacheykasii tashkil etish;
  
• 
  mahsulot xarajatlarini kamaytirilishiga alohida e`tiborni qaratish,;
  
• 
  ishlab chiqarishning uluksizligini ta`minlashga erishish;
  
• 
  yuqori moslashuvchan va tez qayta quriluvchi ishlab chiqarishni tashkil
  

etish;

• 
  ichki va tashqi logistikaning maksimal samaradorligini oshirishga
  

erishish lozim.

Tadqiqotlarimizga ko`ra, respublikamizda innovatsion faoliyat xususiyatlarini hamda yirik dunyo kompaniyalari tajribasini o`rganish innovatsion iqtisodiyotni shakllantirish, korxonalarni innovatsion rivojlanishiga milliy korxonalarimizni ijtimoiy-iqtisodiy jihatdan moslashtirishning quyidagi muammolarini ajratib ko`rsatishimiz mumkin:

1. 
   Respublikamiz korxonalarining izga tushmagan, tizimsiz innovatsion rivojlanishi. Bu esa kompaniya va xoldinglar boshqaruv tizimida innovatsiyalarni boshqarish vazifalarining hamda tegishli tashkiliy tuzilmalarning yo`qligi natijasi hisoblanadi.
   
2. 
   Innovatsion faoliyatning yuqori tavakkalchilikka asoslanganligi. Bu esa innovatsiyalar sohasidagi davlat siyosatining beqarorligi va takomillashmaganligi bilan bog’liq. Marketing tadqiqotlarini o`tkazish, innovatsion mahsulotga talabni aniqlash, intellektual mulkni himoya qilishda namoyon bo`ladi.
   
3. 
   Innovatsion rivojlanish tizimini ishlab chiqish o`rniga xoldinglar, kompaniyalar, korxonalar mulkdorlari, yuqori rahbariyati tomonidan bir martalik rekonstruktsiyalar va tarkibiy o`zgarishlarning ustuvor qo`llanilishi. Bu esa mulk egalari va top-menejerlarda zarur malaka va innovatsiyalarni boshqarish uslubiyati bo`yicha ko`nikmalarning yo`qligi natijasi hisoblanadi.
   
4. 
   Korxonalar xodimlari tomonidan innovatsiyalarga kuchli qarshilik qilish. Bu esa innovatsiyalarga xos bo`lgan mavhumlik, bunday sharoitda o`z vazifa va mas`uliyatlarini aniq bilmaslik, noaniqliklarga nisbatan korxonalar xodimlarining qo`rquvi, himoya choralarining yo`qligi.
   
5. 
   Ichki bozor uchun mahsulot ishlab chiqaruvchi ko`pchilik respublikamiz yirik korxonalari tomonidan ichki bozorga yo`naltirilgan innovatsiyalarga etarlicha e`tibor bermaslik. Bunda eksportga mahsulot chiqaruvchi korxonalar o`zini raqobatbardoshlik darajasini saqlab turish uchun innnovtsiyalarni majbur qo`llaydilar.
   
6. 
   Mulkdorlar va menejerlar tomonidan muqobil xarajatlarni yoki boy berilgan naflarni hisoblashning, korxonani jadal rivojlantirish amaliy tajribasining yo`qligi sababli yangi texnologiyalarni joriy qilishdan oldingi qo`llanilayotgan an`anaviy texnologiyalarni ustuvor himoya qilish.
   
7. 
   Tizimli jarayon sifatida korxona barcha jihatlarini o`z ichiga oluvchi, innovatsion rivojlanish deganda esa ilmiy-texnik rivojlanishni, tor ma`noda esa deganda faqat mahsulot va texnologik innovatsiyalarini tushunish sababli innovatsion rivojlanishga etarli e`tibor bermaslik.Umuman olganda milliy korxonalarimiz tomonidan innovatsiyalarni faollashtirishga etarlicha e`tibor berilmayotganligi sababli, ko`pchilik holatlarda korxonalar innovatsiyalarni amalga oshirishda bir qator qiyinchiliklarga duch kelishmoqda. Respublikamiz korxonalarining innovatsion rivojlanishi, innovatsion iqtisodiyotni shakllantirishga moslashishining asosiy muammolari, xususiyatlari va tendentsiyalari tahlili korxonalarni raqobatbardoshligini oshirib, ularning faoliyat samaradorligini, innovatsion rivojlanishini boshqaarishni takomillashtirish bo`yicha tavsiyalar ishlab chiqishga imkon beradi.