Mehnat – bu insonning biron-bir maqsadga muvofiq ijtimoiy foydali faoliyatidir.
Mehnat birligining bozor bahosi – ish haqining miqdori (stavkasi) bo‘lib, u shartnomada belgilab qo‘yiladi va muayyan vaqt birligi ichida bajariladigan va muayyan kasb-malaka xususiyatlariga ega bo‘lgan mehnatga to‘lanadigan haq darajasini belgilab beradi.
Mehnatga moslashish (ko‘nikish) – bu, shaxs yangi mehnat vaziyatini o‘zlashtirishining ijtimoiy jarayoni bo‘lib, unda shaxs va mehnat muhiti bir-biriga faol ta’sir ko‘rsatadi va moslashuvchi-moslashtiruvchi tizimlar hisoblanadi.
Ishsizlar – bu xalqaro tashkilotlarning bergan ta’rifiga binoan ishga ega bo‘lmagan, ishlashga tayyor va ish izlayotgan fuqarolardir.
Ishchi kuchi - bu insonning jismoniy va aqliy qobiliyatlari yig’indisi, uning mehnatga layoqati bo‘lib, iqtisodiyotda band bo‘lgan mehnat resurslarining foydalanilayotgan qismidir.
Jamoa - bu birgalikda mehnat qiladigan shaxslar guruoi bo‘lib unda kishilar bir-birlari bilan shunday o‘zaro harakat qiladilarki, har kim boshqa shaxsga murojaat qiladi, ayni vaqtda uning ta’sirini ham his qiladi.
Bandlik – mehnatga layoqatli aholining ijtimoiy foydali mehnat bilan mashg’ul bo‘lishi; fuqarolarning shaxsiy va ijtimoiy ehtiyojlarini qondirish bilan bog’liq bo‘lgan va qonunga zid kelmaydigan, mehnat daromadi beradigan faoliyati.
