ESM-1 shakl, ESM-2 shakl, ESM-3 shakldagi hujjatlar balansida maxsus
qurilish mashinalari va uskunalariga ega bo‘lgan va ular yordamida boshqa
tashkilotlarga xizmat ko‘rsatishga ixtisoslashgan qurilish tashkilotlarida
qo‘llaniladi.
Ko‘tarish krani ishi haqida bildirgida (ESM -1 shakl) uning qaysi ob’ektda
ishlagani va bajargan ishining turlari, miqdori, sarflagan vaqti va boshqa
ma’lumotlar keltiriladi. Ushbu bildirgi asosida ko‘tarish krani tomonidan
bajarilgan ishning qiymati to‘g‘risida ma’lumotnoma tuziladi. Ma’lumotnoma bosh
pudratchi tomonidan imzolanadi va uning muhri bilan tasdiqlanadi. Ushbu hujjat
bosh pudratchi va ko‘tarish kranida ishlarni bajargan ixtisoslashgan qurilish
tashkiloti o‘rtasida hisob-kitoblarni amalga oshirishga asos bo‘ladi.
Qurilish mashinasi yo‘l varaqasi (ESM-2 shakl) mashinistga ob’ektga
yetkazish oldidan to‘ldiriladi. Unda mashinaning nomi, texnik ma’lumotlari,
mashinistning ismi-sharifi, unga berilgan topshiriqlar, topshiriqni bajarishga
kirishish va uni yakunlash muddatlari ko‘rsatiladi.
Qurilish mashinasi ishi to‘g‘risida bildirgi (ESM-3 shakl)da xuddi (QMF -
1 shakl)dagidek boshqa qurilish mashinalari (beton qorish, ekskavator, buldozer,
greder va shu kabilar) tomonidan har bir ob’ektda bajarilgan ishlarning turlari,
miqdori, sarflagan vaqti va boshqa ma’lumotlar keltiriladi. Ushbu bildirgi qurilish
mashinalari tomonidan bajarilgan ishning qiymati to‘g‘risida ma’lumotnomani
tuzishga asos bo‘ladi. Bu ma’lumotnoma ham bosh pudratchi tomonidan
imzolanadi, uning muhri bilan tasdiqlanadi hamda bosh pudratchi va ixtisoslashgan
qurilish tashkiloti o‘rtasida hisob-kitoblarni amalga oshirishga asos bo‘ladi.
ESM-4 shakl, ESM-5 shakl va ESM-6 shakldagihujjatlar o‘z balansida
qurilish mashinalari bo‘lgan barcha turdagi qurilish tashkilotlarida qo‘llaniladi.
Qurilish mashinasi ishi to‘g‘risida bildirgi-naryad (ESM-4 shakl) natural
o‘lchov birliklarida o‘lchanadigan topshiriqlar va bajarilgan ishlarni
rasmiylashtirish va hisobga olish uchun qo‘llaniladi. Bu bildirgi qurilish
tashkilotida qurilish mashinalari uchun mas’ul bo‘lgan shaxs tomonidan bir
nusxada tuziladi va mashinstlar qo‘liga topshiriladi. Topshiriqlar va ishlar
haqiqatda bajarilgach, buyurtmachi korxona bildirgida topshiriq va ishlarni qabul
qilib olganligini imzolaydi va muhr bilan tasdiqlaydi. Ushbu bildirgi nafaqat
bajarilgan ishlarni hisobga olishga, balki mashinistlarga ish haqini hisoblash uchun
ham asos bo‘lib hisoblanadi.
