Cədvəl 1. Yağ və top istehsalının alternativ imkanları
Bu vəziyyətin təsəvvür edilə bilinməsi üçün milli təsərrüfatın istehsal imkanları qrafikinə baxmaq lazımdır : burada üfüqi ox yağın, şaquli ox topun kəmiyyətini əks etdirir.Qrafikdə qeyd edilmiş rəqəmləri əlaqələndirərək birləşdirsək istehsal imkanları əyrisini almış olarıq.
15 A
B
•
12 • C
• S
9 • D
6
Y • E
3
• F
0 1 2 3 4 5 Şəkil 1.İstehsal imkanları əyrisi
Baxdığımız hal göstərir ki, tam məşğulluq iqtisadiyyatı həmişə alternativdir, yəni o, resursların bölüşdürülməsi yolu ilə hərbi və insan tələbatı məhsulları arasında seçim etməlidir.
İstehsal imkanları əyrisi alternativliyin cəmiyyət üçün əhəmiyyətini göstərir. Resurslardan tam istifadə vəziyyətində hər iki istehsalın mümkün kombinasiyası nöqtələrinin hamısı istehsal imkanları əyrisinin üzərində yerləşir. İstehsal imkanlarının maksimal səviyyəsində olan cəmiyyət gərəkli resursların olmaması səbəbindən hər iki istehsalı eyni zamanda artırmaq və S nöqtəsində qərarlaşmaq iqtidarında deyil.
İstehsal imkanlarından yarımçıq istifadə və ya işsizlik variantında isə top və yağ istehsalının müxtəlif kombinasiyaları əyri üzərində deyil, məsələn, Y nöqtəsində olur. Bu nöqtə göstərir ki, əlavə resurslardan istifadə etməklə hər iki istehsalın həcmini artırmaq olar.
İstehsal imkanları əyrisi, həmçinin, ayrı-ayrı ölkələrin istehsal imkanları sahəsində mövcud olan fərqləri də göstərə bilər. Məsələn, şəkildə Fransa və ABŞ-ın istehsal imkanları əyriləri təsvir edilmişdir.
Dostları ilə paylaş: | 
