Kənd təsərrüfatı məhsullarının saxlanılması və anbarlanması üzrə logistika mütəxəssisi

Təhlükəsizlik texnikası və sanitar gigiyenası üzrə əsas tələblər 
Təhlükəli yüklərlə həyata keçirilən bütün işlər cavabdeh şəxsin nəzarəti altında aparılmalıdır. 
Hava limanlarında (aerodromlarda) təhlükəli yüklərlə iş aparılarkən, fərdi mühafizə və 
təhlükəsizlik tədbirlərinə riayət olunmasına cavabdehlik, həm yükgöndərənin (yükalanın), həm də 
aviamüəssisənin rəhbərinin üzərinə qoyulur.
Mexanikləşdirmə vasitələrinin istifadəsi ilə təhlükəli yüklərin HG-yə yüklənib-boşaldılması 
TƏLİM NƏTİCƏSİ
4
73

---

boşaldılması aviasiya hadisələrinin baş verməsinə, HG-nin və hava limanlarının (aerodromların) 
anbarlarının çirklənməsinə, eləcə də xidməti personalın zədələnməsinə, fiziki gərginliyin 
yaranmasına və zəhərlənməsinə şərait yaranmasına yol verməyən ən təhlükəsiz və əlverişli üsullarla 
həyata keçirilməlidir. Təhlükəli yüklərlə aparılan işə, yalnız ilkin tibbi müayinədən, təhlükəsizlik 
texnikası üzrə təlimatdan keçmiş, zədələndikdə (zəhərləndikdə) özü-özünə və qarşılıqlı kömək 
qaydalarını bilən şəxslər buraxılırlar. Təhlükəli yüklərlə mütəmadi işləyən şəxslər vaxtaşırı tibbi 
müayinələrdən keçməlidirlər. 
Təhlükəli yüklərlə aparılan işlərə sağlam olmayan şəxslər, 18 yaşınadək olan yeniyetmələr, hamilə 
və uşaq əmizdirən qadınlar buraxılmırlar. Kənar şəxslərin iş görülən yerlərə daxil olmalarına yol 
verilmir. 
Hava gəmisinin ekipajı və təhlükəli yüklərlə işləyən şəxslər fərdi mühafizə, indikasiya və 
dezinfeksiyaedici (daşınan yükün növündən asılı olaraq) vasitələr ilə təmin olunmalıdırlar və 
onlardan istifadə etməyi bacarmalıdırlar. Bu yüklərlə işləyən zaman tətbiq edilən fərdi mühafizə, 
indikasiya və dezinfeksiyaedici vasitələr yük göndərən tərəfindən təchiz edilir. Mühafizə vasitələri 
olmadan işləmək qəti qadağandır. 
Təhlükəli yüklərlə işləyən zaman yemək, içmək, siqaret çəkmək, eləcə də iş görülən zonaya, 
xüsusi geyimsiz daxil olmaq qadağandır. Şəxsi gigiyena qaydalarına ciddi riayət etmək zəruridir. 
Aşağıdakı hallara yol verilmir: 
• Su ilə qarşılıqlı təsirdə alışan maddələrin yağış yağan vaxtı yükləyib-boşaldılmasına; 
• Hər hansı yanğın təhlükəli və təhlükəli yüklərin tufan vaxtı yüklənib-boşaldılmasına; 
• Hər hansı sinifdən olan təhlükəli yüklərin mühərriklər işləyərkən, texniki xidmət və
HG-nin yanacaqla, yağla doldurulması və s. vaxtı yüklənib-boşaldılmasına. 
Hava gəmisində TAM-in axması (buxarların, qazların sızması) aşkar edildikdə, gəmi komandiri bu 
haqda uçuşlar üzrə növbətçiyə xəbər verməyə, axmanı aradan qaldırmağa və kabinənin (bölmənin) 
havasının dəyişdirilməsi üçün müvafiq tədbirlər görməyə borcludur. Bununla birlikdə aşağıdakıların 
təmin edilməsi zəruridir: 
• Açıq oddan istifadəyə yol verilməməsi; 
• Elektrik mənbələrində (elektrik aparatlarında) qığılcımların əmələ gəlməsinə yol 
verilməməsi; 
• Dağılmış yanan maddənin əski və vedrənin köməyi ilə yığılmasının və yük kabinəsinin 
(bölməsinin) ventilyasiyasının gücləndirilməsinin təmin edilməsi; 
• Əl odsöndürənlərinin və digər yanğınsöndürmə vasitələrinin işdə olması.