3. Alyuminiy gidroksid zolini olish.
1% li A1Sl3 eritmasiga NН4ОН eritmasidan qo’shiladi. Hosil bo’lgan A1(OH)3 cho’kmasini distillangan suv bilan, avval dekantatsiya usulida yuving, so’ng fil’trda yuving. Cho’kma ancha qovushkoq va fil’trlanish juda qiyinlashishi bilan, uni katta
stakanga soling. Cho’kma ustiga 400-500 ml distillangan suv qo’shib, so’ng plitkada qaynaguncha qizdiring. Har-har zamonda qaynoq eritmaga bir necha tomchi 0.1n. HC1 eritmasidan qo’shib turing. Bir necha (2-3) soatdan so’ng cho’kmani hammasi peptizatsiyalanadi va kolloid eritmaga o’tadi. Hosil bo’lgan zol’ rangsiz va shulalanuvchidir.
1.4. GIDROFIL’ (LIOFIL’) KOLLOID ERITMALARNI OLISH
Ishning maqsadi. Liofil’ zollarining xossalari bilan tanishish va liofob zollari bilan solishtirib, farqinq aniqlash.
Liofil’ zollarini yuqori molekulali birikmalarni erituvchilarda eritish orkali hosil qilinadi. Masalan: oqsillarni suvda, kauchukni benzolda, tsellyulozani efirda va xokazo.
Liofil’ zollari liofob zollariga nisbatan ancha barqaror bo’lganligi uchun ularni yuqori kontsentratsiyada tayyorlash mumkin, hamda ular yuqori qovushqoqlikka va osmotik bosimga ega bo’ladi.
Liofil’ zollarini kontsentratsiyasini oshirish natijasida quyuqlashishiga va so’ng gel’ hosil bo’lishiga olib keladi. Lekin gelni qaytar jarayon asosida suyultirib yana zolga aylantirish mumkin.
Kerakli jixoz va reaktivlar. Maydalagich, forfor chashka, qumli hammom, texnik tarozi, 50 va 100 ml li o’lchov kolbalari, 100 ml..li 2 ta stakan, 50 ml byuretka, kraxmal, jelatin.
Ishning bajarilishi 1. Kraxmal zolini olish.
0,5g kraxmalni maydalagich (stupka)da ezib, farfor chashkaga olinadi va 10 ml distillangan suv bilan aralashtiriladi. Shundan so’ng, yana 90 ml suv qo’shiladi va
doimiy aralashtirib turgan xolatda qaynaguncha qizdiriladi. Bir necha marta qaynagandan so’ng, 0,5% li shulalanuvchi kraxmal zoli hosil bo’ladi.
1.5. KOLLOID ERITMALARNI TOZALASH USULLARI
Kolloid eritma hosil bo’lganda ularning tarkibida dispers fazadan tashqari ortiqcha dispers sistema barqarorligiga salbiy ta`sir ko’rsatuvchi kislota, asos va tuzlar ham bo’ladi. Kolloid eritma barqaror bo’lishi uchun bu eritmada ma`lum miqdorda elektrolitlar ham bo’lishi kerak. Lekin, kolloid eritmasidagi ortiqcha miqdordagi elektrolitlarni yo’qotish zarur. Kolloid eritmadagi ortiqcha elektrolitni yo’qotish uchun «dializ», «ul’trafil’trlash», «elektrodializ», «ul’tratsentrifugalash» usullaridan foydalaniladi:
Dostları ilə paylaş: |
