Kitabın adı: Aqrar sahədə mülki müdafiə

Heyvanların baytarlıq emalının qaydası.  Heyvanların də-
ri səthinin emal edilməsi qaydası və ardıcıllığı zəhərləyici mad-
dələrin növündən asılıdır. Heyvanlar əvvəlcə zəhərləyici mad-
dələrin növünə və zəhərlənmə dərəcəsinə görə çeşidlənilir, son-
ra isə dəri səthinin emal olunması üçün tələb olunan maddələr 
müəyyənləşdirilir  və  təyin  olunur.  Eyni  zamanda  profilaktika-
nın  tətbiq  olunması  məsələsi  də  həll  olunur.  Dəri  səthinin  ra-
dioaktiv  maddələrlə  zəhərlənməsi  zamanı  dəri  səthində  seçmə 
yolu  ilə  ölçmə  nümunələri  aparılır  və  heyvanlara  baxış  keçiri-
lir.  Dəri  səthinin  buraxıla  bilən  həddən  yuxarı  zəhərlənməsi 
qeydə alındıqda onlar baytarlıq emalına cəlb olunur.  
Emala cəlb olunan heyvanlar emal meydançasına verilir və 
oradan yuma dəzgahlarının sayından asılı olaraq qruplarla (5-6 
heyvan) baytarlıq emalı dəzgahlarına  yönəldilir. Dəzgahda hər 
bir  heyvan  hər  iki  tərəfdən  yuma    məhlulu  ilə  emal  olunur. 
Emal  prosesində  yuyucu  firçadan  istifadə  olunur.  Dəri  səthin-
dən kənarlaşan radioaktiv maddələrin emalı icra edən insanla-
ra zərər verməməsi üçün yuyucu fırçaya 80-100 sm uzunluqlu 
ağac  bərkidilir.  Əvvəlcə  heyvanların  quyruq  hissəsi,  sonra  isə 
başı, boynu, beli, yanı, qabaq və arxa ətrafları yuxarıdan aşağı-
ya  olmaqla  emal  olunur.  Yuyucu  məhsulla  emal  prosesi  başa 
çatdıqdan sonra heyvanlar təmiz su ilə yuyulur. 
Yuyucu  vasitələrlə  iribuynuzlu  heyvanların  və  atların  dəri 
səthindən  65-70%  radioaktiv  maddələrin  kənarlaşdırılması 
mümkündür.  Təkrar  emal  prosesi  isə  daha  səmərəsizdir.  Belə 
ki,  bu  zaman  əlavə  olaraq  ondan  radioaktiv  maddələrin  10%-
nin kənarlaşdırılmasına nail olunur.