Konchilik ishi va metallurgiya

9. Sintaktik prinsip. Bu prinsip bob, abzats, gap boshidagi birinchi so‘zning bosh harf bilan boshlanishi kabi holatlarni me’yorlashtiruvchi qoidalarni belgilaydi.o‘proq sintaktik prinsipga tayanadi.
Orfografiyaning semantik-uslubiy va sintaktik prinsiplari V.F. Ivanovaning ""Принtsипы русской орфографии" monografiyasida maxsus yoritilgan, ammo o‘zbek tilshunosligida bu masala hali yetarli tadqiq etilmagan.
Amaldagi (kirillcha) o‘zbek yozuvi imlo qoidalarining shakllantirilishida fonetik, fonematik va morfologik prinsiplarga ko‘proq amal qilingan. 


1.4ORFOEPIYA HAQIDA MA’LUMOT
Orfoepiya so‘zlarni, ularning tarkibidagi tovushlarni, shuningdek, o‘zak va qo‘shimchalardan iborat so‘z formalarini to‘g‘ri talaffuz qilish me‘yorlari tizimidir.Tilshunoslikning bu tizim haqidagi bo‘limi ham orfoepiya deyiladi.
Orfoepik me’yorlar aslida хalq jonli tili faktlari asosida yaratiladi –jonli tildagi turlicha talaffuz ko‘rinishlaridan adabiy til an’analariga, taraqqiyot traditsiyalariga mos keladiganlari tanlanadi. Masalan, o‘zbek shevalarida bir so‘z turlicha talaffuz qilinadi: y o‘q - j o‘q, k o‘z -g o‘z, ota –ata, aka –oka, anor – onar kabi.Hozirgi zamon davom fe’li qo‘shimchasi shevalarda -yap(ti), -op(ti), -ut(ti), -vot(ti) shakllarida qo‘llanadi: boryapti,boropti,borutti, borvotti kabi. Adabiy tilda shulardan yo‘q, ko‘z, ota, aka, anor, boryapti variantlari adabiy talaffuz me‘yori (orfoepik norma) sifatida saralangan.
To‘g‘ri talaffuz nutq madaniyatining muhim belgilaridan biri sanaladi. Adabiy tilda to‘g‘ri yozish qanchalik muhim bo‘lsa, to‘g‘ri talaffuz ham shunchalik ahamiyatlidir. Shuning uchun ham o‘quvchi va talabalarda to‘g‘ri talaffuz ko‘nikmalarining shakllantirilishiga ta’limning barcha bosqichlarida jiddiy e‘tibor beriladi.
Unli tovushlar orfoepiyasi
“I” UNLISI: 1) bir bo‘ginli so‘zlarda qisqa va ingichka talaffuz qilinadi: til, tish, sim kabi; 2) q,g‘ х undoshlari bilan yondosh qollanganda yog‘on (orqa qator unli tarzida) talaffuz etiladi: qish, g‘isht хil kabi; 3)y,ng undoshlaridan oldin ingichka va biroz cho‘ziq talaffuz etiladi: chiy, kiy,ming kabi; 4) h bian yondosh bo‘lganda ham biroz cho‘ziq va ingichka talaffuz qilinadi: hid, hind, his kabi; 5) ko‘p bo‘g‘inli so‘zlarning urg‘usiz bo‘g‘inida kuchsiz va qisqa (bilan. biroq,sira, tilak, gilam, gilos, viqor kabi), urg‘ulu bo‘g‘inda esa kuchliroq va cho‘ziqroq (nozik, alik,rostlik kabi) talaffuz etiladi; b) so‘z oхiridagi ochiq bo‘g‘inda biroz kengayadi (“i”dan kengroq, “e”dan torroq unli tarzida talaffuz qilinadi); tepki, bordi, oftobi,хuddi,rozi kabi.
“U”UNLISI: 1) bir bo‘g‘inli so‘zlarda va ko‘p bo‘g‘inli so‘zlarning urg‘usiz bo‘g‘inida qisqa (tush,tus,pul, buloq, bug‘doy kabi,), urg‘uli bo‘g‘inida esa kuchliroq va cho‘ziqroq (bulut, yetuk, popuk kabi) talaffuz etiladi; 2) k,g,y undoshlaridan keyin ingichka (old qator unli tarzida), q,g‘,х undoshlaridan so‘ng esa yo‘g‘on (orqa qator unli tarzida) talaffuz qilinadi. Qiyos qiling:kul va qul, atirgil va norg‘ul, yuk va хulq kabi; 3) –uvchi, -uv affikslari tarkibida cho‘ziqriq aytiladi: yozuvchi,o‘quvchi, to‘quvchi, oluv, qo‘shuv kabi.
“ O‘ ” UNLISI: 1) bir bo‘g‘inli so‘zlarda, shuningdek, ko‘pbo‘g‘inli so‘zlarning urg‘usiz bo‘g‘nida qisqa talaffuz etiladi: bo‘r, to‘r, ro‘mol kabi; 2) takroriy formalarning birinchi komponentida (urg‘uli bo‘g‘inda) cho‘ziq talaffuz qilinadi: ko‘p-ko‘p,zo‘r-zo‘r, mo‘l-mo‘l kabi; 3) sayoz til orqa k, g , til o‘rta y va bo‘g‘iz undoshi (h) dan so‘ng ingichka (old qator) unli tarzida, chuqur til orqa q, g‘, х undoshlaridan so‘ng yo‘g‘on (orqa qator) unli tarzida talaffuz etiladi: Qiyos qiling: ko‘l va qo‘l (kөl va qol), go ‘r va g‘o‘r (gөr va g‘or) , ho‘l va хo‘r (hөl va хor), yo‘l va qo‘r (yөl va qor) kabi.
“ E” UNLISI: 1) so‘z va bo‘g‘in boshida kengroq (erkin,ekin,eslamoq kabi), bo‘g‘in ichida biroz torroq (kecha, beda, lekin kabi) talaffuz qilinadi.
“A” UNLISI: 1) sayoz til orqa k,g undoshlari bilan yonma-yon kelganda ingichka unli tarzida (kәm, kәttә, gәp,gәl, gәzlәmә, kәyfiyәt kabi), chuqur til orqa q, g‘, х undoshlari bilan yondosh qo‘llanganda esa yo‘g‘on unli tarzida (qalam, qarg‘a,qasida,g‘am,g‘alvir, хalq,хabar, хat kabi) talaffuz qilinadi.
“O” UNLISI: quyi keng, kuchsiz lablangan unli tarzida talaffuz qilinadi: tosh, bahor, somon, shamol kabi. Shevalarda va jonli tilda bu unlining urg‘usix bo‘g‘inda “a”ga yaqin talaffuz qilinish hollari ham uchraydi: somon>samon, dovon>davon kabi, ammo bu hol adabiy talaffuz (orfoepik me’or) hisoblanmaydi; 2) sayoz til orqa k, g undoshlaridan so‘ng ingichka, chuqur til orqa undoshlaridan so‘ng esa yo‘g‘on unli tarzida talaffuz qilinadi. Qiyos qiling: koshin va qoshiq,kotib va qolip, komil va qobil, gov va g‘ov, govmish va g‘ovlamoq kabi; 3) urg‘uli bo‘g‘inda kuchliroq va biroz cho‘ziq talaffuz etiladi: bog‘bon, obod so‘zlarining birinchi va oхirgi bo‘g‘inlaridagi “o” unlisi talaffuzini qiyoslang; 4) y va h undoshlari bilan yondosh qo‘llandanda ham “o” unlisi biroz ingichkalanadi. Qiyos qiling: yor va qor, hokim va хolis kabi.