Kontrasepsiya turlari

KONTRASEPSIYA TURLARI
Biz kontrasepsiya mavzusini unchalik muhokama qilgimiz kelmaydi, lekin bu biz u haqida hech nima bilishimiz shart emas va ushbu mavzuga umuman eʼtibor bermaslik kerak degani emas.

Jinsiy aloqa- bu muhim mashgʻulot, JUDA MUHIM MASHGʻULOT (shuning uchun bu bilan sizni majburlashganida emas, siz bunga tayyor boʻlganingizda shugʻullanish muhim). Siz oqibatlarga tayyor boʻlishingiz kerak, chunki jinsiy aloqa sizning tanangiz uchun deyarli katta emotsional va jismoniy oqibatlarni koʻrsatishi mumkin.

Kontrasepsiya masalasini erkaklarga ishongan vaqtimiz allaqachon oʻtib ketdi. Bu sizning tanangiz va barcha oqibatlarni oʻzingiz yengishingiz kerak, shuning uchun kontrasepsiyaning barcha ehtimolli usullarini bilish muhim.
Baxtingizga biz bormiz va biz mazkur masalada sizga oydinlik kiritishimiz mumkin.

PREZERVATIVLAR
rezinkalar, kondomlar, skafandrlar, gʻiloflar, qopqoqchalar. Odamlar ularga koʻpgina turli nomlarni, ishlab chiqaruvchilar esa- koʻpgina turlarini va oʻlchamlarini oʻylab topgan, lekin ularning barchasi bitta maqsadga moʻljallangan- homiladorlikni va ayrim JYYuQlarni bartaraf etadi.

Prezervativkontrasepsiyaning toʻsiqli usuli hisoblanadi va istalmagan homiladorlikni va jinsiy yoʻllar orqali yuqadigan ayrim kasalliklarni bartaraf etish imkoniga ega kontratseptivning yagona turi hisoblanadi. Ular erkakning urugʻini (yaʼni spermani) qinga tushirmaslik uchun moʻljallangan. Yodda tuting, har doim jinsiy aloqa qilganingizda yangi prezervativdan foydalanish kerak (qadoqni tishlaringiz bilan ochmang!). Prezervativlar 100% samarali hisoblanmaydi, biroq ulardan foydalanishda jinsiy aloqa xavfsiz boʻladi, albatta, ular birin-ketin va toʻgʻri ishlatilayotganligi shartida. Prezervativ yoʻq = jinsiy aloqa ham yoʻq. Agar siz jinsiy hayot kechirayotgan boʻlsangiz, har doim zaxirada prezervativ boʻlsin.

Prezervativlar jinsiy yoʻllar orqali yuqadigan BARChA kasalliklarni tarqalishini bartaraf etmaydi. Prezervativ faqat olatni qoplab turadi, JYYuQlarning koʻpgina qoʻzgʻatuvchilari esa olat atrofidagi terida boʻlishi mumkin. Papillomalar kabi koʻpgina JYYuQlar teginish orqali yuqadi!