Adları yuxarıda qeyd olunmuş digər qrupların izahı ilə növbəti təsnifatda ətraflı tanış olacağıq. Ən geniş yayılmış digər təsnifat isə daha çox diqqəti cəlb edir: 1. Cinayətkar qrupların ən primitiv tipinə təsadüfi qruplar aid edilir. Bu qruplar 2 və daha artıq icraçıdan ibarət olur. Belə qruplarda hələ lider müəyyənləşməyib. Cinayət isə iştirakçıların emosiya və əhvallarının təsiri altında, qəfildən törədilir. Qrup üzvləri arasında həmrəylik yoxdur. Bu səbəbdən də ifşa olunduqda qrup üzvləri bir-birini müdafiə etmir. Adətən təsadüfi qruplar kriminal təcrübəsi olmayan gənclərdən və psixopatlardan ibarət olur.
2. Sadə cinayətkar qruplar - üzvlərinin sayı 2-4 nfərdən ibarət olur. Onları ümumi cinayətkar məqsədlər birləşdirir. Bu qrupda lider müəyyənləşdirilməyib. Münasibətlər qarşılıqlı etibar və dəstəyə əsasında qurulur. Cinayəti törətmək haqqında qərar birgə qəbul edilir və icra edilir. Baxmayaraq ki, bu qruplarda mürəkkəb struktur mövcud deyil, onun üzvləri arasında həmrəylik var. Qrupda həmrəylik var. Ciddi tabeçilik yoxdur. Maksimal davam etmə müddəti 3 ildir. Talançıları, dələduzları, mənzil oğrularını, yetkinlik yaşına çatmayanları və s. özündə birləşdirir.
3.Mürəkkəb cinayətkar qruplar -yüksək səviyyədə təşkil olunmuş daha təhlükəli kriminal birlikdir. Burada lider müəyyənləşib. Sabit ierarxik quruluş, ciddi birlik, həmrəylik var. Törədilən cinayəti, onun yerini vaxtını, törənmə üsullarını əvvəlcədən planlaşdırırlar. Uzun müddət ərzində cinayətkarlıqla biznes kimi məşğul olurlar (kontrabanda, soyğunçuluq, avtomobil oğurluğu, dələduzluq .)
4. Mütəşəkkil cinayətkar qruplar-cinayətkar fəaliyyətlə aktiv olaraq məşqul olan insanları birləşdirir. 2 növü var: -komanda(briqada)- eyni məkandan olan üzvlərini 1-1-i ilə tanışlıq birləşdirən şəxslərdən ibarətdir. icmalar-üzvlərini eyni milliyyət birləşdirir, müəyyən rayon ərazi üzərində nəzarət uğrunda mübarizə aparırlar (ticarət obyektlərindən haqq tələb edirlər) və s.
