Lizing-agror sohada ijtimoiy-iqtisodiy munosabatlarni takomillashtirish uslubi

1.3.2-rasm 
Qaytariladigan lizing jarayoni 
1 
2 
Bu yerda: 
1-uskuna qiymati; 
2-ijara to’lovlari. 
Ko’pchilik holatlarda lizing bevosita emas, balki vositachi orqali amalga 
oshiriladi. Asosiy lizingga beruvchi mavjud, u vositachi odatda lizing 
kompaniyasi orqali uskunani lizingga oluvchiga ijaraga topshiradi. Bunda 
vositachining vaqtinchalik to’lov qobiliyati bo’lmagan yoki u inqirozga 
uchragan taqdirda, lizing to’lovlari asosiy lizingga beruvchiga kelib tushishi 
lozimligi shartnomada nazarda tutiladi. Bunga o’xshash bitimlar «ikkilamchi 
lizing» deb nomlanadi. 
Xalqaro doirada «dabl dipping» (double dipping) deb nomlanadigan 
ikkilamchi lizing bitimlar ikki va undan ko’p mamlakatlarda soliq 
imtiyozlarining kombinatsiyasidan foydalaniladilar. Ushbu bitimlarning 
samaraliligi shuning bilan bog’liqligi, masalan, Buyuk Britaniyada agar lizingga 
beruvchi mulkchilik huquqiga, AQShda esa – lizingga beruvchi egalik qilish 
huquqiga ega bo’lgan taqdirda, soliq imtiyozlaridan olinadigan naf ko’proq 
Lizing kompaniyasi 
Korxona

---

37 
bo’ladi. 
Buyuk Britaniyadagi lizing kompaniyasi uskuna (mulkchilik huquqi)ni 
sotib oladi va uni amerikalik lizing kompaniyasiga beradi (egalik qilish huquqi), 
u esa, o’z navbatida, ularni mahalliy lizingga oluvchilarga o’tkazadi. 
Lizingga beriladigan mol-mulkning turiga qarab quyidagilarni 
farqlaydilar: 
• 
faol bo’lmagan (ko’chmas) mol-mulk lizingi; 
• 
faol (ko’char) mol-mulk lizingi yoki mashina-texnikaviy lizing. 
Mol – mulk o’zini o’zi qoplash darajasi bo’yicha quyidagilar ajratiladi: 
• 
to’liq o’zini o’zi qoplaydigan lizing, bunda bir shartnoma amal 
qilish muddatida ijaraga berilgan mol-mulkning qiymati lizingga beruvchiga 
to’liq to’lanadi. Lizing shartnomasi tugagandan keyin lizingga oluvchi uskunani 
qoldiq yoki boshqa kelishilgan narxda sotib olish imkoniyati beriladi; 
• 
to’liq o’zini o’zi qoplaydigan lizing, bunda bir shartnoma amal 
qilish muddatida ijaraga berilgan mol-mulkning faqat bir qismi qoplanadi, 
bundan keyin esa mol- mulk lizingga beruvchiga qaytariladi yoxud lizing 
shartnomasining muddati uzaytiriladi. 
Lizingga beriladigan mol-mulkning amortizatsiya shartlariga ko`ra 
quyidagilarni farqlaydi: 
• 
to’liq amortizatsiyalanadigan lizing va tegishli ravishda, lizing 
obyektining qiymati to’liq to’lanadigan lizing; 
• 
to’liq amortizatsiyalanmaydigan lizing, bu qiymati qisman 
to’lanadigan lizing. 
Yuqorida qayd etilgan bir-biri bilan uzluksiz bog’liq bo’lgan ikki 
turkumlanish belgilari asosida moliyaviy va tezkor deb ataladigan lizingni 
ajratadilar. Amaliyotda, ayniqsa moliyaviy-kredit institutlari tomonidan ko’proq 
moliyaviy lizing qo’llaniladi. Bu uning o’ziga xos bo’lgan belgilari bilan 
izohlanadi. 
Moliyaviy lizing (financye leasing) o’zini o’zi to’liq qoplaydigan mol-

---

38 
mulk lizingi yoki uning qiymati to’liq to’lanadigan lizing hisoblanadi (full-
payout lease). Shartnoma amal qilish muddatida lizingga beruvchi mol-
mulkning butun qiymatini o’ziga qaytarganda va lizing operatsiyasidan foyda 
olganda lizingning bunday turi kuzatiladi. Moliyaviy lizingda uskuna 
vaqtinchalik foydalanishga berilgan muddat vaqti bo’yicha uning to’liq 
amortizatsiyalanadigan muddati bilan mos keladi. 
Bunday turdagi lizing bitimlari mol-mulkni ataylab mulk sifatida sotib 
olish va keyinchalik uni vaqti bo’yicha ishlatish va mol-mulk qiymatining butun 
yoki ko’p qismi amortizatsiyalanishi yaqinlashadigan muddatga vaqtinchalik 
egalik qilishga va foydalanishga berish operatsiyasi hisoblanadi. Shartnoma 
amal qilish muddatida lizingga beruvchi lizing to’lovlari hisobiga mol-mulkning 
butun qiymatini o’ziga qaytarib oladi va moliyaviy bitimdan foyda oladi. 
Moliyaviy lizingni tavsiflovchi asosiy belgilar quyidagilardan iborat: 
• 
lizingga beruvchi mol-mulkni o’zi foydalanishi uchun emas, balki 
uni lizingga berish uchun ataylab sotib oladi; 
• 
mol-mulkni va uning sotuvchisini tanlab olish huquqi 
foydalanuvchida qoladi; 
• 
mol-mulk egasi u lizingga berish uchun ataylab sotib 
olinayotganligini biladi; mol-mulk bevosita foydalanuvchiga yetkazib beriladi 
va u tomonidan ishlatish uchun qabul qilinadi; 
• 
mol-mulkni sifati, uning butligi, kafolat muddati buziqliklarini 
tuzatish bo’yicha da’volar lizingga oluvchi tomonidan bevosita mol-mulk 
sotuvchisiga yo’llaniladi; 
• 
mol-mulk tasodifan nobud bo’lishi va buzilishi tavakkalchiligi mol-
mulk ishlatilishga qabul qilish dalolatnomasi imzolangandan keyin lizingga 
oluvchiga o’tadi. 
Moliyaviy lizing mustaqil nomlanadigan bir necha turlarga ega. 
An’anaviy moliyaviy lizing o’zaro munosabatlarning uch taraflama tavsifga 
egalik va mol-mulk qiymati to’liq qoplanishi bilan tasniflanadi. Lizingga 

---

39 
oluvchining talabnomasi bo’yicha lizingga beruvchi mol yetkazib beruvchidan 
kerakli bo’lgan uskunani sotib oladi va uni lizingga oluvchiga beradi hamda 
lizing to’lovlari hisobiga o’zining moliyaviy xarajatlarini qoplaydi va foyda 
oladi. 
Operativ lizing moliyaviy lizingning evolyutsion rivojlanishi natijasidir. 
Operatsion lizing bitimi bo’yicha-bino va asbob-uskunalarni qisqa vaqtga (bir 
kundan bir yilgacha yoki ko’proqga) lizingga olganda lizing beruvchi asosiy 
vositalarni ta’mirlash va lizingni amalga oshirish bo’yicha xarajatlar deb 
ataluvchi joriy xarajatlarni to’lash, masalan soliqlar va mulk sug’urtasini 
to’lashni o’z zimmasiga oladi. Operativ lizing moliyaviy lizingdan quyidagi 
jihatlar bilan farq qiladi: 
- qisqa muddat; 
- lizing obyektini lizing shartnomasi muddati tugaganidan so’ng lizing 
beruvchiga qaytarilishi; 
- lizingga beriladigan mulklarning chegaralanganligi; 
- lizing beruvchi lizingga beriladigan predmetni aniq yetkazib 
beruvchisini topish majburiyatiga ega emasligi; 
- hisobga olishdagi farqlar; 
- oldindan qisman to’lovning, ya’ni avansning mavjud emasligi (bir oy 
muddatga foydalanishga beriladi). 
Agar lizing shartnomasida yuqoridagi talablarning birortasi ham 
ko’rsatilmagan bo’lsa, u holda lizing tezkor lizing hisoblanadi. 
Lizing ixtiyoriy ishlab chiqarish moddiy-texnika bazasini rivojlantirishga 
keng ko’lamda kapital mablag’ jalb qilishning asosiy moliyaviy vositasi sifatida 
yuqorida ta’kidlanganidek, bank krediti, ssuda, kechiktirilgan to’lovni sotib olish 
va shunga o’xshash moliyaviy richaglarga qaraganda birmuncha ustunliklarga 
ega bo’ilb, ularning ayrimlarini quyidagilarda ko’rish mumkin: 
- lizing 100 foiz qarz olishni ko’zda tutadi va qarzning hammasini tezda 
qaytarishni talab etmaydi; 
- lizing bo’yicha shartnoma tuzish ssudaga qaraganda osondir; chunki 

---

40 
bitimni ta’minlashni uskunaning o’zi amalga oshiradi. Bu ayniqsa, kichik va 
xususiy tadbirkorlik bilan shug’ullanuvchilarga qulay. 
Tezkor lizing (operative leasing) – bunda shartnoma muddati mol -
mulkning iqtisodiy ishlatish muddatidan kamroq. Tezkor lizingda ijaraga mol-
mulkning qiymati qisman to’lanishi kuzatiladi (non-fullpazout lease) va shuning 
uchun lizingga beruvchi uni, odatda, turli foydalanuvchilarga bir necha bor 
vaqtinchalik foydalanishga berishga majbur. 
Lizingning ushbu turi buyum hayot siklining muddati ijaraning kontrakt 
muddatidan ahamiyatli darajada yuqori bo’lib, uskuna ijaraga qisqa muddatlarga 
berilganda qo’llaniladi. Tezkor lizingda ijara vaqti davomida uskuna to’liq 
amotizatsiyalanmaydi va qaytadan ijaraga berilishi yoki ijaraga beruvchiga 
qaytarilishi mumkin. Amaliyotda tezkor lizing operatsiyalari uch yillik davrdan 
oshmaydi. Bunday bitimlarda ijaraga beruvchi ijaraga oluvchini oldindan 
ogohlantirish sharti bilan kontraktni bekor qilish huquqini saqlab qoladi. 
Lizingning ushbu turi ijara obyekti saqlanishi uchun ijaraga beruvchi ko’proq 
mas’uliyatga egaligini nazarda tutadi. Ijaraga beruvchi uskunani ta’mirlash va 
texnik xizmat ko’rsatish uchun mol yetkazib beruvchi firma bilan mustaqil 
shartnoma tuzish bo’yicha o’ziga majburiyat oladi.