Madaniy tadbirlarni tashkil etish maxorati

Ilk maosh tantanasi. Hozirgi vaqtda ishlab chiqarish korxonalarida birinchi maoshni tantanali sur`atda nishonlash odatga aylangan. YOsh ishchilarning mehnati evaziga olgan ilk maoshini tantanali nishonlash jarayoni leningradliklar tashabbusi asosida yuzaga kelgan bo`lsa-da, u bizning respublikamiz ishlab-chiqarish korxonalarida ham qisqa vaqt ichida keng yoyildi.
«Ilk maosh tantanasi»ning mohiyati shundan iboratki, unda mehnatga haq to`lashning printsipi, ijtimoiy fondlar va ularning sovet kishilari moddiy turmush sharoitlarini yaxshilashdagi ahamiyati tushuntiriladi.
TSexlar ishlab chiqarish hayotini aks ettiruvchi ko`rgazmalar bilan bezatiladi. Bunday ko`rgazmalar respublikamizda paxtachilik sanoatining rivojlanishi, korxonada ijtimoiy rivojlanish planlari qanday bajarilayotganligi, ishchilar soniniig o`sishi va ular o`z malakalarini qanday oshirayotganliklari, ishchilarni uy-joy bilan ta`minlash qay darajada ekanligi, qanday profilaktoriyalar, sanatoriyalar, dam olish uylari va pansionatlar ishlab turganliklari yoki qurilayotganligi haqida batafsil axborotlar yordamida yoritiladi. SHuningdek, ratsionalizatorlar, ixtirochilar va ishlab chiqarish novatorlari bilan qanday ish olib borilayotganligi haqidagi faktlar ko`rgazmaning diqqatga sazovor joyidan o`rin olmog`i lozim.
Korxonada targ`ib qilinayotgan bu ko`rgazmali materiallar faqatgina «Ilk maosh tantanasi»ni o`tkazish uchun emas, balki ishlab chiqarishning rivojlanishi va majburiyatlarning bajarilishi, jamoatchilik ishlarini qiziqarli uyushtirish uchun ham muhim rol’ o`ynaydi.
«Ilk maosh olish tantanasi» respublikamizning eng yirik sanoat korxonalaridan biri bo`lmish Toshkent to`qimachilik kombinatining madaniyat saroyida mazmunli va ta`sirli tashkil etiladi.
Ilk maosh topshiriladigan kuni korxonaga iqtisodchi, savdo xodimi yoki yoshlar masalasi bilan shug`ullanuvchi mas`ul xodimlar kelib, suhbatlar o`tkazishadi.
Ilk maosh topshirish marosimi madaniyat saroyining katta zali sahnasida tantanali ravishda ochiladi.
Korxona rahbarlaridan biri yosh ijrochilarga ilk maoshni topshirish to`g`risidagi farmonni o`qiydi va konvertda maosh yosh ishchiga muzika sadolari ostida tantanali ravishda topshiriladi. Maosh bilan birgalikda, yoshlarga yozma murojaat ham beriladi. Murojaat, asosan, yosh ishchiga taalluqli tabrik so`zi, ishchi sinfi sharafini himoya qilish va mehnatni hamisha qadrlash haqidagi donolar fikri, korxona rahbarlarining imzolaridan iborat bo`ladi.
«Ilk maosh tantana»sining badiiy qismida madaniyat saroyi qoshida tashkil etilgan agitbrigadaning maxsus programma bilan tomosha ko`rsatishi - bu tantananing tarbiyaviy xarakterini ochishda muhim rol’ o`ynaydi. Agitbrigada hayotiy voqealar asosida ikki qismdan iborat ko`rsatuvni namoyish qiladi.
«Ilk maosh tantana»larining asosiy vazifalaridan biri, bu maoshdan qanday qilib to`g`ri foydalanish kerakligi haqidagi jiddiy fikrlarni yosh ishchilarga tushuntirishdan iboratdir.
«Hosil bairami». O`zbekistonda o`tkaziladigan paxta bayramlari orasida eng tantanalisi hosil bayramidir. Respublikamizda etishtiriladigan asosiy xom ashyo paxta bo`lgani va bu bayram yillik paxta tayyorlash majburiyati bajarilgandan keyin nishonlangani uchun uni «Paxta bayrami» deb atashadi. Bu O`zbekistondagi barcha qishloq xo`jalik xodimlarining ham bayrami bo`lib, unda paxta, pilla, don, meva, sabzavot, chorva va boshqa qishloq xo`jalik mahsulotlarini tayyorlash yuzasidan olingan majburiyatlarning bajarilishi haqida hisob beriladi va yakun yasaladi.