Mahsulot sifatini boshqarish nazorat qilish usullarini o`rganish, mahsulot sifati tushunchasi va sifat ko`rsatkichlarini o`rganish Reja

Antroponometrik ko’rsatkichlar mahsulot konstruktsiyasi undan foydalanilayotgan vaqtda kishilar tanasining tuzilishiga mos kelishini ko’rsatadi. Estetik ko’rsatkichlar. Estetik ko’rsatkichlarga ajralib turuvchanlik, tashqi ko’rinishning ratsional bo’lishi, kompozitsiyasining to’liq bo’lishi, mahsulotni ishlab chiqarishni bajarishning mukammal bo’lishi, tovar ko’rinishlarining stabil bo’lishi kabi ko’rsatkichlar kiradi.
Ajralib turuvchanlik mahsulotga nisbatan jamiyatda shakllangan estetik dunyo qarashlarini aks ettiradi. Bu ko’rsatkich mahsulotni boshqa analogik maqsulotni ajralib turishini, davr talabiga, zamon talablariga, moda yo’nalishlariga javob berish darajasini ko’rsatadi. Tashqi ko’rinishining ratsional bo’lishi mahsulotni funktsional - konstruktiv mohiyatining to’g’ri ifodalanishini mahsulotni tayyorlash va ekspluatatsiya qilishning ob’ektiv sharoitlariga mos kelishini tavsiflaydi.
Kompozitsiyasini to’liqligi mahsulot qismlarini organik bog’liqligini, uning boshqa ansambllariga ham mos kelishini ko’rsatadi. Ushbu ko’rsatkichlar mahsulotni modellashtirishda turli ranglari o’zaro aloqada qo’llashda, konstruktsiyalash ishlarini badiiy tasvirlashda, to’liq kompozitsion yechimga erishishda badiiy vositalardan foydalanish samaradorligini ko’rsatadi. Mahsulotni ishlab chiqarishning mukammal bo’lishi va tovar ko’rinishining stabil
bo’lishi mahsulotning estetik jihatdan tashqi ko’rinishiga ta’sir ko’rsatadi va uni ishlab chiqarishda tashqi ko’rinishining mukammal bo’lishi, firma belgilarining aniq bo’lishi, informatsion material va hujjatlarning to’liq bo’lishi va mahsulot tashqi ko’rinishiga zarar yetmasligi uchun uni o’rash-joylash ishlarining yaxshi yo’lga qo’yish darajasini ko’rsatadi.
Iste’molning havfsizligi ko’rsatkichi mahsulotni ekspluata-tsiya yoki iste’mol qilish, montaj, xizmat ko’rsatish, ta’mirlash, saqlash, ortish va tashishda kishilarning xavfsizligini ta’min-lovchi xususiyatlarini tavsiflaydi. Iste’molning xavfsizligi ko’rsatkichiga misol qilib, kishilarning ma’lum vaqt davomida xatarsiz ishlashi ehtimoli; himoya moslamalarining ishlatilishi; valtli zanjirlarning elektr mustahkamligi kabilarni keltirishimiz mumkin.
Ekologik ko’rsatkichlar mahsulotni ekspluatatsiya qilishda yoki iste’molda atrof muhitga zararli ta’sir ko’rsatishini xisobga olish tabiat muxitiga ishlab chiqarish chiqindilarning tushishini cheklash, biologik resurslardan ratsional foydalanish, ularni saqlash, atmosferani ifloslanish darajasini pasaytirishni ta’minlash kerak. Ekologik ko’rsatkichlarga, atrof muhitga tashlanayotgan zaharli chiqindilarning tarkibi, mahsulotni ekspluatatsiya qilish va iste’molda, ortish, tashishda, saqlashda zaharli gazlar chiqishini misol qilib keltirishimiz mumkin.