Maktabgacha ta’lim tashkilotlarida bolalar folklori. Reja

Maktabgacha ta’lim tashkilotlarida bolalar folklori.
REJA:

1. 
   Folklor haqida tushuncha.
   
2. 
   O’zbek bolalar folklori rivojlanishi haqida.
   
3. 
   Bolalar adabiyotida folklorning o’rni va ahamiyati.
   
4. 
   Maktabgacha ta’limda bolalar folklorining tarbiyaviy ahamiyati.
   

1.Folklor haqida tushuncha.
Folklor barcha san’atning boshlanishi.Xalq taqdiri bilan chambarchas bog’liq jarayyondir. U musiqa, raqs, hunarmandchilik, tasviriy va badiiy san’atlar bilan bog’liq tasavvurlarni o’z ichiga oladi. Xalq ijodi bu chinakam ma’nodagi doimiy o‘zgarish, doimiy harakatdagi san’atdir. Ya’ni, xalq ijodi namunalari har galgi ijroda an’analarning davomiyligini saqlagan holda muttasil yangilanib, o‘zgarib mukammallashib boraveradi. Shuning uchun ham xalq ijodi namunalari ko‘plab variantlilikka ega. Ana shu variantlilik xalq og‘zaki ijodining o‘ziga xosligini ta’minlab beruvchi eng muhim jihatlardan biridir.
Folklor (inglizchadan folk — „xalq“, lore —„ogʻiz adabiyoti“ atamalari qoʻllangan. „Folklor“ termini 30-yillarning oʻrtalaridan ishlatila boshlagan Turkiy xalqlarda folklor materiallarini yozib olish boʻyicha dastlabki tajribalar 11 asrdan boshlab koʻzga tashlanadi (Maxmud Koshgʻariyning "Devonu lugʻotit turk" asaridagi folklor materiallari). Shu bilan birga, yozuvchi va shoirlar tomonidan ertaklar, miflar, afsona va rivoyatlarni qayta ishlash jarayoni ham boshlandi. 18-asr va 19-asr boshlarida folklorga nisbatan ilmiy qiziqishning kuchayishi, xalq ogʻzaki ijodi materiallarini toʻplash va nashr etish jadal rivojlanishi bilan bogʻliq holda uni chinakamiga oʻrganish boshlandi.
Folklorshunos olimlar Folklorshunoslik-xalq ijodi haqidagi fan hisoblanadi. Shuning uchun ham ularning ma’lum bir muallifi bo’lmaydi. Ammo unga o’z hissasini qo’shgan olimlarimiz ham ko’p.
Folklorshunoslik - xalq ijodi haqidagi fan. Folklorshunoslik turli davrlarda va turli mamlakatlarda etnografiya, adabiyotshunoslik, musiqashunoslik, antropologiya va sotsiologiyaning bir qismi sifatida qaralib kelgan. Keyinchalik xalq sanʼatini (xalq ogʻzaki ijodi, musiqa folklori, raqsi, teatri, sirki kabi) oʻrganuvchi mustaqil va maxsus fan sifatida rivojlanadi. Filologiya va sanʼatshunoslik fanlari bilan uzviy bogʻliqdir.