Maktabgacha ta’limda pedagogik jarayonlarni loyihalashtirish fanidan O’quv-uslubiy majmua

Loyihalashtirish va rejalashtirish ko’nikmasi – o’quvchilarning rivojlanganlik darajasini tashhislash asosida mashg’ulot loyihasi, ta’limiy faoliyat ishlanmasi, konspektini tuzish bilan bog’liq harakatlarni o’z ichiga oladi.
Maktabgacha ta’lim tashkilotlari tarbiyachilarining maktabgacha ta'limda faoliyat turlarini loyihalahtirishdgi kompetetligi esa quyidagilardan iborat:
-loyihalashtirishda Davlat talablari, ularning “Ilk qadam” dasturining asosiy sohaviy kompetensiyalari o‘zaro aloqadorligini bilishi;
-“Ilk qadam”dasturi bo‘yicha ta’limiy faoliyatlarni rejalashtirishda kompetentli yondoshuvdan foydalanishning amaliy ko‘nikmalarini;
-ta’lim arayonida zamonaviy pedagogik axborot-kommunikatsiya texnologiyalarini qollashni bilish;
-bola huquqini ta’minlashi va uning hayotini muhofaza qilishi;
-bolalar rivojanishida har bir bolaning individual farqliy jihatlarini hisobga olish;
- har bir bolaga o‘zining turli imkoniyatlarini nimoyon qilish istagini rag‘batlantirish va qo‘llab-quvvatlash;
- har bir bolaga o‘zining intellektual, kommunikativ va jismoniy qobiliyatlarini nomoyon etishi uchun sharoitlar yaratish.
Maktabgacha ta’lim tashkilotlari tarbiyachilarida yuqorida talab etilgan ko‘nikmalarning mavjudligi ta’limni talablar darajasida loyihalash imkonini beradi.
Savol va topshiriqlar:

1. Loyihaviy faoliyat texnologiyasining pedagogikadagi o‘rni nimada nomoyon bo’ladi?

   
   

2. Pedagogik faoliyatni loyihalashning afzalligi nimalarda nomoyon bo‘ladi?

   
   

3. Siz “kompetentsiya” va “kompetentlilik” tushunchalarini qanday angladingiz? Uni o’z so’zlaringiz bilan tushuntirib berishga harakat qiling.

   
   

4. Nima deb o’ylaysiz, “kompetentlilik” bilan “ma’naviy barkamollik” tushunchalari o’rtasida farq bormi? Bo’lsa, u, sizningcha, nimalarda ko’rinadi?

   
   

5. Shaxs kompetentliligiga xos bo’lgan “bilim, ko’nikma, malaka va tajribaga egalik hamda shaxslik sifatlar”ga alohida to’xtaling: ilm nima-yu bilim nima? “Ko’nikma” va “malaka” singari tushunchalarni izohlang. “Shaxslik sifatlar” deganda nimalarni tushunasiz?

   
   

6. Kompetentlilikning tarmoqlariga diqqat qiling. Ularning qaysi biri sizda qay darajada shakllanganligi haqida o’ylab ko’ring, o’zingizga o’zingiz baho bering.

   
   

7. Umumiy kompetentlilik bilan maktabgacha ta’lim tashkilotlari tarbiyachilari kompetentliligiga xos bo’lgan tafovutni aniqlang.

   
   

8. Maktabgacha ta’lim muassasasi tarbiyachilari kasbiy kompetentliligi qamrab olgan tushunchalarni ajratib daftaringizga yozib oling. Ularni izohlab bering.