Maktabgacha yoshdagi bolalarning jismoniy tarbiyasi

3.2. 5-6 yoshli bolalarning jismoniy rivojlanish va jismoniy tayyorgarligi bo`yicha olingan natijalar.
5-6 yoshli bolalarni jismoniy rivojlanishi va jismoniy tayyorgarligining dastlabki va tajribadan keyingi natijalari aniqlandi va solishtirildi.
5-6 yoshli bolalarning jismoniy rivojlanishi tajribagacha bo`lgan holati quyidagicha namoyon bo`ldi. Tajriba guruhida o`g’il bolalarda gavda uzunligi 111,2 sm bo`lgan bo`lsa, nazorat guruhida 112,5 sm, gavda og’irligi tajriba guruhida 18,5 nazorat guruhida 18,2 kg ni tashkil etdi.
Qiz bolalarda esa gavda uzunligi tajriba guruhida 111,0 sm, nazorat guruhida 111,2 sm, gavda og’irligi tajriba guruhida 18,0, nazorat guruhida 18,2 kg ni tashkil etdi.
5 yoshli tarbiyalanuvchilarni tajribagacha bo`lgan jismoniy rivojlanish ko`rsatkichlari
(3,2,1 jadval)

№	O`lchovlar	Jinsi	5 yosh
			n	Tajriba	Nazorat
1	Gavda uzunligi (sm)	o`g’il qiz	13 14	112,2 111,0	112,5 111,2
2	Gavda og’irligi (kg)	o`g’il qiz	13 14	18,5 18,0	18,2 18,2
3	Ko`krak qafasining kengligi (sm)	o`g’il qiz	13 14	57,5 56,9	57,2 57,4
4	O`pkaning tiriklik sig’imi (ml)	o`g’il qiz	13 14	1200 1200	1200 1200

Ko`krak qafasi kengligi ikki xil holatda o`lchandi. Nafas olganda va nafas chiqarganda undagi natijalar quyidagicha tajriba guruhida o`g’il bolalarda o`rtacha 57,5 sm, nazorat guruhida 57,2, qizlarda 56,9 va 57,4 sm ni tashkil etdi. O`pkaning tiriklik sig’imi va panja kuchi natijalari ham bu yoshda bir-biriga yaqin ekanligi aniqlandi.
Ayrim ko`rsatkichlar bo`yicha nazorat guruhi natijalari balandroq ekanligini ko`rishimiz mumkin. Masalan, gavda uzunligi, ko`krak qafasi kengligi qizlarda yoki panja kuchida lekin oradagi farq juda ham katta emas.
Jismoniy tayyorgarlik bo`yicha dastlabki olingan test me’yorlari natijalariga ko`ra tajriba guruhida 30 metrga yugurishda o`g’il bolalarda 9,5 soniya, nazorat guruhida ham 9,5 soniyani, qizlarda esa o`z navbatida 9,8-9,9 soniyani tashkil etdi. 4x10 metrga mokisimon yugurishda tajriba guruhida o`g’il bolalarda 17,1, qizlarda 17,7 soniya, nazorat guruhida esa o`g’il bolalarda 17,5 qiz bolalarda 17,2 soniyani tashkil etdi. Bu ko`rsatkich o`g’il bolalarda tajriba guruhi nazorat guruhi natijasidan farqi 0,4 soniyaga farqi borligi aniqlandi.