Maliyyə hesabatı

Ümumi mənfəət + fəaliyyətin dayandırılmasından mənfəət + əməliyyat mənfəəti + maliyyə gəliri – sair əməliyyat xərcləri – kommersiya xərcləri – maliyyə xərcləri

«Mənfəət vergisi» maddəsində Azərbaycan Respublikası Vergi Mə- cəlləsinə müvafiq surətdə təşkilatın mənfəətindən hesablanılan vergi məb- ləği uçota alınır.
Mühasibat mənfəətindən (zərərindən) asılı olaraq hesablanan və vergi- tutma mənfəətinin (zərərin) məbləğindən asılı olmayaraq mühasibat uçotunda əks etdirilən mənfəət vergisinin məbləği mənfəət vergisi üzrə şərti xərclər (şərti gəlirlər) adlanır.
Mənfəət vergisi üzrə şərti xərclər (şərti gəlirlər) Vergi Məcəlləsi tərəfindən müəyyən edilən mənfəət vergisinin dərəcəsi əsasında hesabat dövründə formalaşan mühasibat mənfəətinin məbləğindən hesablanmış verginin kəmiyyətinə bərabər olur.
Mənfəət vergisi üzrə şərti xərclər (şərti gəlirlər) mühasibat uçotunun hesablar planında iki müstəqil hesabda qeydiyyata alınır:

901 «Cari mənfəət vergsi üzrə xərclər»;

902 «Təxirə salınmış mənfəət vergisi üzrə xərclər»
«Hesabat dövründə xalis mənfəət (zərər)» maddəsində təşkilatın hesabat dövrü ərzində əldə etdiyi mənfəətin məbləğindən hesablanmış mənfəət vergisinin məbləğini çıxmaqla alınan məbləğ göstərilir. Bu məbləği hesablamaq üçün “Vergiqoymadan əvvəl mənfəət (zərər)” maddəsində göstərilmiş mənfəətin məbləğindən “Mənfəət vergisi” maddəsində göstə- rilmiş vergi məbləğini çıxmaq lazımdır. Nəzərə almaq lazımdır ki, təşkilatın fəaliyyətində zərər alındığı halda mənfəət vergisi hesablanmır. Bu halda həm “Vergiqoymadan əvvəl mənfəət (zərər)” maddəsində, həm də “He- sabat dövründə xalis mənfəət (zərər)” maddəsində eyni məbləğ göstərilir.

V FƏSİL. KAPİTALDA DƏYİŞİKLİKLƏR HAQQINDA HESABAT

1. «Kapitalda dəyişikliklər haqqında hesabat» üzrə kommersiya təşkilatları üçün 2№-li MMUS-un ümumi müddəaları

2.