Maqsad: V guruh kationlarining sifat reaksiyalarini bajarish uchun amaliy ko‘nikmalarini hosil qilish

2. Ammiak ishqorlar singari Mn(OH)₂ cho'kma hosil qiladi:
Mn²⁺ + 2NH₄OH → Mn(OH)₂↓ + 2NH₄⁺
Bu reaksiyada hosil bo'layotgan ammoniy ionning gidrolizlanishi va eritmaning pH qiymati ko'tarilishi natijasida, cho'kish to'liq bo'lmaydi. Eritmada ammoniy ko'p bo'lganda, cho'kma umuman hosil bo'lmasligi mumkin. Bu xossadan aralashmadagi Al³⁺, Cr³⁺, Fe³⁺ va Ti⁴⁺ ionlarini Mn²⁺ iondan qisman ajratishda foydalaniladi. Ammiakli muhitda Mn²⁺ ionning bir qismi havo kislorodi ta'sirida oksidlanadi.
3. Natriy, kaliy va ammoniy karbonatlar ta'siridan Mn²⁺ ion kislotalarda eriydigan oq rangli MnCO₃ cho'kma hosil qiladi:
Mn²⁺ + CO₃^2- → Мn СО₃↓
4. Natriy gidrofosfat Mn²⁺ ionga ta'sir ettirilganda kuchli mineral va hatto kuchsiz sirka kislotada ham eriydigan (alyuminiy, temir (III), xrom (III) va titan (IV) fosfatlaridan farqli ravishda) oq rangli Mn₃(PO₄)₂ cho'kma hosil boiadi:
3Mn²⁺ + 4HPO₄^2-→ Mn₃(PO₄)₂↓ + 2H₂PO₄^-
5. Oksidlash reaksiyasi yordamida Mn²⁺ ionini topish mumkin. Bunda PbO₂, ammoniy persulfat (NH₄)₂S₂O₈, natriy vismutat -NaBiO₃, H₂O₂, KC1O₃, Cl₂, Br₂ va boshqa oksidlovchilardan foydalaniladi. Oksidlash reaksiyalari kislotali yoki ishqoriy muhitlarda o'tkazilishi mumkin. Kislotali muhitda rangsiz Mn²⁺ ionga PbO₂ ta'sir ettirilib, qizdirilsa pushti rangli MnO₄^- hosil bo'ladi:
2Mn²⁺ + 5PbO₂ + 6H⁺→ 2HMnO₄ + 5Pb²⁺ + 2H₂O
Reaksiyani bajarish uchun probirkaga 1-2 tomchi Mn (II) sulfat yoki nitrat eritmasi, 4-6 tomchi 6 N HNO₃ eritmasi tomizib, unga ozgina PbO₂ kukunidan solinadi va aralashma qaynaguncha qizdiriladi. PbO₂ tarkibida marganetsning kirishmalari bo'lishi mumkinligidan ushbu reaksiya bilan bir vaqtda salt tajriba o'tkazing. Salt tajribani ham xuddi shu sharoitda (unga tekshiriladigan eritma tomizilmaydi) o'tkazing. Marganetsning kirishmalari bo'lmasa, rang paydo bo'lmaydi. Mazkur reaksiya marganetsni topishda ancha sezuvchan bo'lganligi uchun ko'p qo'llaniladi.
Kislotali muhitda, shuningdek, marganets (II) ionini KC1O₃ ta'sirida (qizdirib) qo'ng'ir rangli H₂MnO₃ gacha oksidlash mumkin:
5Mn²⁺ + 2KC1O₃ + 9H₂O → 5H₂MnO₃↓ + 8H⁺ + Cl₂↑+ 2K⁺
Reaksiyani bajarish uchun probirkaga 1 -3 tomchi Mn (II) tuzi eritmasi va bir necha tomchi ishqor eritmadan soling, natijada sekin havo kislorodi bilan oksidlanib qo'ng'ir rangga kiradigan oq Mn(OH)₂ hosil bo'ladi:
Mn²⁺ + 2OH^- → Mn(OH)₂↓ 2Mn(OH)₂ + O₂→ 2MnO(OH)₂↓
Hosil qilingan cho'kmaga bir necha tomchi H₂O₂ eritmasi tomizilsa, darhol qora-qo'ng'ir rang paydo bo'ladi.