5.4. Temir (III) kationining reaksiyalari Uch valentli temir tuzlarining eritmalari sariq yoki qizil-qo'ng'ir rangli bo'ladi.
1.O'yuvchi ishqorlar temir (III) tuzlari bilan qizil-qo'ng'ir rangli kuchli kislotalarda eriydigan Fe(OH)3 cho'kmani hosil qiladi:
Fe3+ + 3 ОН-→ Fe(OH)3↓ Alyuminiy, xrom va rux gidroksidlaridan farqli ravishda amalda Fe(OH)3 ishqorlarda erimaydi. Temir (III) ioni Fe(OH)3 shaklida pH~3,5 bo'lganda to'liq cho'kadi.
Ammiakham temir (III) tuzlari bilan qizil-qo'ng'ir rangli cho'kma hosil qiladi.
Natriy atsetat sovuq sharoitda temir (III) ioni bilan qizil rangli kompleks birikma [Fe(CH3COO)6(OH)2]+ hosil qiladi. Qizdirganda bu modda qizil-qo'ng'ir Fe(OH)2CH3COO cho'kma hosil qiladi.
Natriy gidrofosfattemir (III) bilan sarg'ish rangli cho'kma - FePO4 hosil qiladi.
Natriy, kaliy va ammoniy karbonatlar temir (III) ioni bilan qo'ng'ir rangli (FeOH)2(CO3)2 tarkibli kislotalarda eriydigan cho'kma hosil qiladi. Bu cho'kma qizdirganda gidroliz tufayli Fe(OH)3 ga aylanadi.
2Fe3+ + 3(NH4)2S → Fe2S3↓ + 6NH4+ Bu cho'kma kuchli kislotalarda eriydi:
Fe2S3↓ + 6HC1 → 2FeCl3 + 3H2S↑ Reaksiyada vodorod sulfid (qaytaruvchi) hosil bo'lganligidan temir (III) temir (II) gacha qaytariladi va bunda erkin oltingugurt ajraladi:
2FeCl3 + H2S → 2FeCl2 + S +2HC1
Umumiy holda Fe2S3 ning kislotalarda erish reaksiyasi quyidagi tenglama bilan ifodalanadi:
Fe2S3 + 4HC1 → 2FeCl2 + 2H2S↑+ S
Reaksiyani bajarish. Uch valentli temir tuzining 2-3 tomchi eritmasiga shuncha (NH4)2S eritmasi qo'shiladi.