Mavzu. 1918 1939-yillarda ilmiy-texnik taraqqiyotning jadallashuvi, ilm-fandagi yutuqlar

Pokiston. Islom dini Pokiston uchun millatni jipslashtiruvchi omil bo‘lib keldi. Ammo mustaqillikdan so‘ng mamlakat murakkab siyosiy jarayonlarni boshidan kechirdi. Diniy va hududiy mojarolar barqaror siyosiy tizimning shakllanishiga, iqtisodning rivojlanishiga xalaqit berdi. Pokistonda mehnatkashlarning ahvoli og‘irligicha qoldi.
1977-yili harbiy to‘ntarish ro‘y berdi — hokimiyatga general Ziyo ul- Haq keldi. U parlamentni tarqatib yubordi, premyer-ministrni vazifasi- dan ozod qildi va erkin saylovlar tayinladi. 1988-yilgi saylovlar nati- jasida hokimiyatga Benazir Bxutto boshchiligidagi Pokiston xalq par- tiyasi keldi. B. Bxutto mamlakatning bosh vaziri bo‘ldi. Ziyo ul-Haq davrida qamoqqa olingan barcha siyosiy arboblarga amnistiya berildi.
1990-yili Pokiston prezidenti B. Bxutto hukumatini korrupsiyada ayblab, bosh vazirni lavozimidan ozod qildi, yangi saylov o‘tkazdi va unda B. Bxutto mag‘lubiyatga uchradi.



Benazir Bxutto
1990-yillari Pokistonda qizg‘in siyosiy jarayonlar va hokimiyatning yuqori pog‘onasida korrupsiya bilan bog‘liq mojarolar davom etdi. Benazir Bxutto hukumati iste’foga chiqarilgandan so‘ng 1990-yili o‘tkazilgan saylovlarda g‘olib chiqqan Musulmon ligasi partiyasining rahbari Navoz Sharif hokimiyatni boshqardi. Ammo yili prezident G‘ulom Is’hoqxon yangi huku- matni ham korrupsiya va qarindosh-urug‘chilikda ayblab, iste’foga chiqardi. Shu yili bo‘lib o‘tgan saylovlarda g‘olib chiqqan B.Bxutto yana bosh vazir lavozimini egalladi. Ammo 1996-yili pre­zident Sardor Farruk Ahmadxon Legariy Milliy assambleyani tarqatib yubordi va B.Bxutto hu- kumatini yana iste’foga jo‘natdi. O‘tkazilgan par- lament saylovlarida Pokiston xalq partiyasi (PXP) qaqshatqich mag‘lubiyatga uchradi.
1999-yil kuzda Pokistonda yana harbiy to‘ntarish amalga oshirilib, hokimiyatga general Parvez Mu­sharraf boshchiligidagi harbiy qo‘mondonlik keldi.
2001-yil 11-sentabrda Nyu-Yorkda yuz bergan ter- rorchilik aktidan so‘ng Pokiston terrorchilikka qarshi AQSH boshchiligida tuzilgan koalitsiyaga qo‘shildi.
Biroq, ko‘plab pokistonliklar nazarida AQSH terror- chilarga emas, musulmonlarga qarshi kurashga kirish- di. AQSH bilan yaqinlashish kursini tanlagan Parviz Musharrafga qarshi suiqasdlar uyushtirildi. U jinoyatlarda Paryez Musharraf terrorchilarni aybladi va mamlakatni ulardan tozalash- ga va’da berdi. 2003 — 2005-yillari Pokiston armiyasi AQSH yordamida qo‘shni Afg‘oniston hududida harbiy operatsiyalar olib bordi. Islom fundamentalislari esa Parviz Musharrafni dushman deb e’lon qilib, uni ag‘darib tashlashga va’da berdi. Ko‘pchilikning fikricha, PMusharraf mamlakatda holatni barqarorlashtirishga erisha olmadi va iste’foga chiqishga majbur bo‘ldi. 2008-yilgi saylovlarda PXP hamraisi Asif Ali Zardariy prezident etib saylandi. 2013-yilgi parlament saylovlaridan so‘ng Muhammad Navoz Sharif bosh vazir lavozimini egalladi.
Pokiston rivojlanayotgan agrar-industrial mamlakat. U BRIKS davlatlari bilan bir qatorda, XXI asrda dunyoning eng yirik iqtisodiyot- laridan biriga aylanish imkoniyatiga ega bo‘lgan o‘n bitta mamlakat qatoriga kiradi.Hozir aholining katta qismi qishloq xo‘ja- ligi bilan shug‘ullanadi. Eksport qilinadigan asosiy mahsulotlarga to‘qimachilik, teri mah- sulotlari, sport buyumlari, kimyoviy moddalar va gilamlar kiradi.
Sanoatning qayta ishlash, neft, tog‘-kon sohalari rivojlanmoqda. SHHTning 2016-yili Toshkentda bo‘lib o‘tgan sammitida Pokistonni tashkilotga qabul qilish tartibi va muddatlari to‘g‘risidagi hujjat imzolandi.
Amnistiya — hokimiyatning oliy organi tomonidan jinoyat sodir etganlarga nisbatan qo‘llaniladigan jinoiy jazodan qisman yoki to‘liq ozod etish usuli.
Kurs — siyosat yo‘nalishi, yo‘l.