O’yindagi duch kelinadigan qiyinchiliklar O’yinning bayonnomasini yuritish o’quvchilarda ishtiyoqni yo’qolishi bilan bog’liq muammolarga olib keladi. Muammodan chiqish uchun boshlovchi bayonnomalar blankini oldindan o’zi yoki oldingi mashg’ulotda o’quvchilar bilan birgalikda tanlab qo’yishi lozim bo’ladi.
Ba’zi o’quvchilar o’yinni tez tugatib, ishsiz qoladilar. Boshlovchi ularga nimadir topshiriq berishi, ya’ni bayonnomani to’g’ri yuritganliklarini shaxsan tekshirib ko’rishlarini taklif etishi lozim (ba’zan o’quvchilar kasbiy rejalarni faqat suhbat boshida baholaydilar va yakunida baholashni unutib qoldiradilar).
Mabodo sinfda biror o’quvchi toq bo’lib qolsa, u holda unga ikkinchi maslahatchini sherik qilib olishni tavsiya etish mumkin. Bu o’yin oldingi “Proforientsiya” o’yinlaridan o’tkazilish murakkabligi bilan farq qiladi va uning natijalari ancha sodda bo’ladi.
O’yinni rivojlantirish istiqbollari O’yin bayonnomalarini takomillashtirish kerak. O’yin yakunida beriladigan maslahatlar kasb tanlashning umumiy muammolariga emas, o’quvchining kasbiy o’zligini anglashning aniq masalalariga qaratilishi muhim. Shuningdek, o’quvchilar bilan qaytar aloqa o’rnatishga, ularning bayonnomalarini muhokamasiga e’tibor qaratish lozim. Buni o’quvchilar bilan alohida yoki o’yindagi juftliklar bilan suhbatda hal etish mumkin.
