Agar bemorda sirkulyator kollaps bo‘Isa, osh tuzining izotonik, boshqa hollarda gipotonik eritmasi (0,45 %) tomir ichiga 8-10 soat davomida 4-6 litr tomchilab yuboriladi.
Suyuqlik yuborilish davrida bemor diurezi, qon bosimi, tomir urishi va markaziy venoz bosimini muntazam kuzatib borish kerak. So‘nggi ko‘rsatkichning ko‘tarilib borishi quyiladigan suyuqlikni kamaytirishga ko‘rsatma hisoblanadi.
Glyukoza miqdori 14 mmol/1 gacha kamaygandan so‘ng 5 yoki 10 % glyukoza fiziologik eritmada bemorga tomchilab yuboriladi. Insulin va kaliydan xuddi diabetik ketoatsidozda qo‘llanilgan uslubda foydalaniladi.
Tomir ichi DVS rivojlanishining oldini olish maqsadida 5-10 ming birlikdagi geparinni kunida 2 martadan yuborish tavsiya etiladi.
Laktatatsidotik koma
Ushbu koma qandli diabetga chalingan bemorlar organizmida kislorod kamligi va laktat to‘planishi oqibatida yuzaga keladi. Og‘ir yurak va o‘pka yetishmovchiligi, sepsis, miokard infarkti, dorilardan zaharlanishlar laktatatsidotik komaga olib kelishi mumkin. Bemorlarda teri va shilliq qavatlaming yaqqol qurishi belgilari, atsidoz oqibatida Kussmaul nafasi kuzatiladi. Qonning pH ko‘rsatkichi pasaygan, glyukoza me’yorida, biroz yuqori yoki yuqori bo‘lishi mumkin. Laktat miqdori qonda 6 mmol/1 dan ко‘p.
Gipoglikemik holat qonda glyukoza miqdori 3-2,8 mmol/1 boTganda rivojlanadi.
Insulin dozasini me’yoridan ortiq qabul qilish, ovqatlanish tartibining buzilishi zamr miqdordagi oddiy uglevodlami o‘z vaqtida qabul qilmaslik yoki bir marotaba ovqatlanishni o‘tkazib yuborish, haddan tashqari ko‘p jismoniy zo‘riqish gipoglikemik komaga olib keladi.
