Sharbatni gomogenizatsiyalash. Saqlash vaqtida qatlamlanishni bartaraf etish maqsadida sharbatni bir jinsli qilish uchun, ya’ni undagi muallaq zarralarni maydalash uchun u gomogenizatsiyalanadi.
OGB turdagi gomogenizator gorizontal uch plunjerli nasos bo‘lib mahsulotni yuqori bosim ostida gomogenizatsiyalovchi klapan va egar yuzalari oralig‘idagi kapillyar zazordan o‘tqazadi. 650S-gacha isitilgan tomat sharbatini 7 MPa bosim ostida gomogenizatsiyalash tavsiya etiladi.
Jilg‘ali gomogenizatorda mahsulotni isitilgan bug‘ yoki havo oqimi olib ketadi, purkaladi va katta tezlikda harakatlanib mayda to‘r orasidan o‘tadi. Bu usulning kamchiligi shundan iboratki, bug‘ sharbatni suyultiradi, havo esa aeratsiyalaydi.
Mahsulotga ultratovush bilan ishlov berib ham gomogenizatsiyalash mumkin. Ammo tovush bilan ta’sir etilgan mahsulotni keyinchalik saqlash davrida askorbin kislotasi parchalanadi.
Sharbatni deaeratsiyalash. Chuqur vakuum ostida deaeratsiyalangan mahsulot tarkibida S vitamini saqlanib qoladi. O‘xshash samaraga mahsulotni qadoqlashdan ilgari isitish natijasida erishiladi. Shuning uchun ko‘plab zavodlarda tomat sharbati mexanik usulda deaeratsiyalanmaydi.
Sharbatni qadoqlash. Tomat sharbati issiq holatda uch litrli bankalarga, boshqa turdagi shisha idishlarga, temir bankalarga qadoqlanadi. Mahsulot solingan tara germetik tarzda berkitiladi. Tomat sharbatini saqlash vaqtida S vitamini yo‘qolmasligi uchun bankada qolgan bo‘shliqdan havo chiqariladi. Bu vakuum-qadoqlagich va vakuum-berkitgichlar mashinalar yordamida amalga oshiriladi.
Mahsulotning kimyoviy moddalariga yorug‘lik nurlari ta’sir etmasligi uchun tomat sharbati to‘q rangli shishadan tayorlangan bankalarga qadoqlanadi.
Tomat sharbati paketlarga ham qadoqlanadi (qog‘azdan tayyorlangan tetrapak, alyuminiy folgadan tayyorlangan aseptik paketlar). Ularni ichkari tomoni past zichlikka ega polietilen bilan qoplangan. Qog‘az paketlarning tashqi tomoni ozuqaviy parafin bilan qoplangan. Qadoqlashdan ilgari sharbat 15-200S-gacha sovutiladi, germetik berkitilgandan so‘ng -180S temperaturagacha muzlatiladi va ushbu temperaturada saqlanadi.
