Mavzular ish kunlаri

deb so’rasangiz farzandlarimizning ta’lim
tarbiyasi deb javob beraman”.
Sh. M. Mirziyoyev
O‘zbekiston Respublikasi Prezidenti

Oʻzbekiston Respublikasi bank tizimida mustaqillika erishilgandan soʻng bir qator yutuqlarga erishildi. Oʻzbekiston bank tizimida amalga oshirilgan islohotlar natijasida mamlakatimizda ikki pogʻonali bank tizimi shakllantirildi va banklarning amalga oshiradigan operatsiyalari xalqaro darajaga koʻtarildi.

Xususan bank tizimining erkinlashtirilishi va xususiylashtirilishi bunga misol boʻla oladi. Banklarning ixtisoslashuvidan voz kechish va ular faoliyatining universallashuvi ham aynan mustaqillik yillarida amalga oshirilgan islohotlarning biri boʻlib hisoblanadi.
Banklar tomonidan jalb qilingan jami depozitlar hajmi bir necha barobarga oshdi.
Banklardagi omonatlar hajmining oshishida aholi real daromadlarining oʻsishi hamda bank tizimining barqarorligi asosiy omil boʻlgani holda, banklardagi omonatlarning toʻliq qaytarilishi davlat tomonidan kafolatlanganligi va ulardan olinadigan foiz daromadlar soliqdan ozod etilganligi hamda 410 xildan ortiq omonat turlari taklif qilinayotganligi bank depozitlarini qulay, xavf-xatarsiz va barqaror daromadli moliyaviy instrumentga aylantirdi.
Bozor iqtisodiyotiga oʻtish davrida tijorat banklarining faoliyatini tashkil etish va boshqarish bank faoliyatida muhim ahamiyat kasb etadi. Tijorat banklarining faoliyatini boshqarish va u orqali bank daromad bazasini oshirish hozirgi kunning eng muhim masalalaridan biri boʻlib hisoblanadi. Bank faoliyatini boshqarishda bank menejmenti hal oʻyiluvchi oʻrinni egallaydi. Bank menejmenti va marketingi kursi asosida tijorat banklari faoliyatining asosiy yoʻnalishlari yoritiladi. Bundan tashqari hozirgi raqobat kurashi kuchaygan bir sharoitda tijorat banklari oʻzlarining sifatli va xilma-xil xizmatlarini taklif oʻyilish oroʻali oʻz imkoniyatlarini oshiradilar. Raqobat kurashida tijorat banklari oʻzlarining uzoq yilga moʻljallangan marketing strategiyasi asosida mijozlar bozorini oʻrganadi va yangi bank xizmatlari koʻrsatish imkoniga ega boʻladilar.
Iqtisodiyotni erkinlashtirish sharoitida banklar va ularning barqaror faoliyat yuritishi koʻp jihatdan uning biznesi qay darajada tashkil etilganiga bogʻliq.
Har bir xoʻjalik yurituvchi subyektning asosiy maqsadi daromad olishdir, shu jumladan tijorat banklari ham oʻz faoliyatlari natijasida daromad olib boradi.