Metodika azərbaycan məKTƏBİ. 2018. №2 61

---

METODİKA

AZƏRBAYCAN MƏKTƏBİ. 2018. №2

61

http://journal.edu.az

Müəllif:

Sahil Cəfərov —

Lənkəran Dövlət

Universiteti, pedaqogika

üzrə fəlsəfə doktoru.

Azərbaycan, Lənkəran.

E-mail:

[e-mail].

Açar sözlər: 

Sosiallaşma, inteqrativ,

təhsil strategiyası, təlim

formaları, təhsilin

məzmun elementləri,

interaktiv metodlar,

pedaqoji işin təşkili,

ünsiyyət tələbatı, fəaliyyət

məhsulu, fikri fəaliyyət,

qiymətləndirmə forması

Annotasiya.

Məqalədə  şagird  şəxsiyyətinin  sosiallaşmasını

şərtləndirən müasir dərsin əsas imkanları barədə fikir və ideyalar

irəli sürülüb, müasir dərsin təşkili formaları haqqında geniş izah

verilib. Bundan başqa, müasir dərsin mərhələləri barədə və bu

mərhələlərdə şagirdin fəallığının təşkili məsələləri qeyd olunub.

Əsas  diqqət  şagird  şəxsiyyətinin  sosiallaşmasının  istiqamət-

ləndirilməsi  probleminə  yönəldilib.  Burada  şagirdin  müasir

dərsdə  pedaqoji  işin  təşkili  şəraitində  ünsiyyət  tələbatının

ödənilməsi, habelə şagird kollektivində qarşılıqlı münasibətlər

sisteminin  yaradılması  məsələləri  qeyd  olunmuşdur.  Şagirdin

şəxsi mövqeyinin önə çıxarılmasına istiqamətlənən proqramların

fərdi xarakterdə tətbiqinə zərurət ondan irəli gəlir ki, bu şəraitdə

hər bir təhsilalanın biliyinin fərdi inteqrasiyasına münbit sosial-

pedaqoji zəmin formalaşır. Qeyd etmək lazımdır ki, pedaqoji işə

bu cür yanaşma təhsildə davamlı perspektivlərə yol açır. Pedaqoji

işin  qeyd  etdiyimiz  mahiyyətdə  aparılması  həm  də  təhsilin

məzmun  elementlərinin  və  dərsin  strukturunun  ayrı-ayrı

mərhələlərinin pedaqoji-psixoloji əsasda sosial-məntiqi cəhətdən

əlaqələndirilməsinə  imkan  verir.  Məqalədə  həm  də  təlimin

keyfiyyətinin yüksəldilməsi yolları barədə geniş elmi yanaşmalar

və praktik nümunələr göstərilmişdir. 

Şagird şəxsiyyətinin sosiallaşması

prosesində müasir təlim metodlarının

rotasiyası