Microsoft Word dinda savol2 ziyouz com doc

 
Savol: «Bid’at» degani nima va uning qanday zararlari bor? 
Javob: Bid’atning lug‘aviy ma’nosi «yangilik kiritish» deganidir. Shar’iy ma’nosi 
«dinda bo‘lmagan narsani dinga qo‘shish»dir. 
Dinga yangilik kiritish haromdir. Chunki din Alloh taoloning Rasuli (s.a.v.) orqali 
ko‘rsatgan yo‘rig‘idir. 
Shuning uchun ham Rasuli Akram sollallohu alayhi vasallam marhamat qiladilarki: 
«Dinda yangi paydo bo‘lgan narsadan chetlaninglar, har qanday yangi paydo qilingan 
narsa bid’at, har bir bid’at zalolatdir». 
Rasuli Akram (s.a.v.) shunday deydilar: «Bizning dinimizga unda bo‘lmagan narsani 
kim bo‘lsa-da qo‘shsa, qaytariladi» (Imom Muslim). 
Dindagi bid’at ikki xil bo‘ladi: 

---

Dinda savolim bor. 2-kitob 
www.ziyouz.com kutubxonasi 
6
1.E’tiqodga taalluqli bo‘lgan bid’atlar: mutazilalar, ravofizlar, juhaymiya va boshqa 
toifalarning ahli sunnat va jamoat e’tiqodiga qo‘shgan fikrlari e’tiqodiy bid’atlardir. 
2. Alloh va uning rasuli ko‘rsatmagan bir ish yo odatni ibodat sifatida dinga kiritish 
kabilar amaliyotdagi bid’atlardir. 
Payg‘ambarimiz (s.a.v.) bid’atlardan ogoh etib: «Sizlar Allohning yo‘liga ergashinglar, 
o‘zga yo‘llarga ergashmanglar», deb marhamat qildilar (Abdulloh ibn Mas’ud rivoyati). 
Bid’atga qarshi kurashishning yo‘li ilm va ulamolardir. Ulamolar deganda ilmiga amal 
qiluvchilarni tushunmoq kerak. Ilmga amal qiladigan ulamolarning kamayishi bid’atning 
rivojlanishiga olib keladi. Allohning kitobi va Rasulullohning (s.a.v.) sunnatlarini o‘rganib, 
ularga amal qilib, farzandlarimizni ushbu yo‘lda tarbiya qilsak, inshaalloh, bidat 
balosidan xalos bo‘lamiz. 
Savol: Mo‘minlar halokatiga besh narsa sabab deb eshitdim. Ular 
nimaligini aytsangiz. 
Javob: G’ofillik, ibodat va aqidada shak qilish, fitna, xarom tutun (chekish) va nafs 
istaklari mo‘minlar halokatiga sababdir (Ashboh va Nazoir).