Microsoft Word etno kitab son srift 12

ETNOPSİXOLOGİYA 
131 
mədəniyyətə bənzəyirsə, adaptasiya prosesi bir o qədər az 
travmatik olacaq. Babiker mədəni distansiya indeksini təklif 
etmişdir. Bu indeksə dil, din, ailə strukturu, təhsil səviyyəsi, iqlim, 
qida, geyim və s. daxil etmişdir. 
Adaptasiya prosesinə obyektiv mədəni distansiyadan başqa 
digər faktorlar da təsir göstərir: 
- iki xalqın münasibətləri arasında münaqişə, müharibə, 
soyqırımın olub və ya olmaması; 
- ev sahibi ölkənin xüsusiyyətləri ilə tanışlığın dərəcəsi və dil 
səriştəliyi; 
- statusların bərabərliyi və ya bərabərsizliyi
2. Doğma mədəniyyətin xüsusiyyətləri 
Ənənələri çox güclü olan və davranışları rituallaşmış ölkənin 
nümayəndələri çətin adaptasiya olunurlar. Bu Yaponiya, Koreya, 
Çin, Cənub-Şərqi Asiya vətəndaşlarıdır. 
Çox vaxt “böyük dövlətlərin” nümayəndələri pis adaptasiya 
olunurlar, çünki onlara xas olan təkəbbürlük imkan vermir ki, onlar 
başqalarını öyrənsinlər. Bu ölkələrin sakinləri hesab edirlər ki, 
onlar yox, başqaları onları öyrənməlidirlər. Məs., rus və 
amerikalılar öz dillərindən başqa dil öyrənmək istəmirlər, lakin 
kiçik dövlətlərin sakinləri bir çox xarici dilləri öyrənməyə üstünlük 
verirlər.
3. Xarici ölkənin xüsusiyyətləri, xüsusilə gəlmələrə təsir etmə 
üsulları: onları assimillyasiya etməyə və ya mədəni fərqliliyə 
tolerantlıq nümayiş etdirmək. Məs., yaponlar gəlmələrdən çox vaxt 
uzaqlaşırlar, qaçırlar. 
Qrup və fərdlər üçün mədəniyyətlərarası əlaqələrin 
nəticələri. Mədəniyyət sarsıntısı və mədəniyətlərarası adaptasiya 
tədqiqatlarına uzun müddət klinik aspekt xas idi. Lakin, son 
zamanlar dünya sosial psixologiyasında bu problemi etnoslararası 
və mədəniyyətlərarası münasibətləri nəzərə almaqla dərindən təhlil 
etmək barəsində də fikirlər söylənilmişdir. 
Boçner qrup üçün mədəniyyətlərarası əlaqələrin nəticələrini 4 
ümumi kateqoriyaya aid edib: 

---