Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
199 larla yanaşı tikilib, müasir fabrik və ofislər isə qədim məbədlərin yanındadır. Hindlilər özləri də ölkələri kimi təzadlarla doludur. Belə ki, hindlilər müasir texnologiyalardan istifadə edirlər, lakin indiyədək cəmiyyətdə qeyri-rəsmi kasta bölgüsü mövcuddur, onlar sevgi barədə filmlərə baxırlar, amma razılaşmaya görə ailə qururlar. Dünyada mədəniyyət fərqliliyinə görə Hindistanla müqayisə edilə biləcək ikinci bir ölkə demək olar ki, yoxdur. Hindistan haqqında bir sıra sterotiplər də formalaşmışdır. Bunlarda biri Hindistanın çox çirkli və kasıb ölkə olmasıdr. Doğrudur, Hindistanda yoxsul insanlar, anti-sanitar şərait mövcuddur. Bu əsasən aşağı təbəqənin yaşadığı ərazilərdədir. Lakin bununla yanaşı Hindistanda dəbdəbəli binalar, lüks villalar, zəngin iş adamları da vardır. Digər bir stereotip hindlilərin təhsil səviyyəsinin aşağı olması haqqındadır. Həqiqətən də Hindistanda təhsilə cəlb edilən insanların sayı çox aşağıdır. Lakin bununla yanaşı NASA-da işləyənlərin 36%-i, Amerikadakı həkimlərin 38%- i, elm adamlarının isə 12%-i hindlilərdir. Bu bir daha sübut edir ki, Hindistan bir təzadlar ölkəsidir. Hindlilər arasında adi şəxsiyyətlər az olur, çünki artistlik, ünsiyyətçillik və maraq bu millətin xarakterinin milli xüsusiyyətidir. Məhz bu xüsusiyyətlər hindlilərin əcnəbilər üçün ən gözə çarpan xarakteridir. Hindlilər küçədə səyahətçiyə asanlıqla yaxınlaşa, onunla tanış ola və onun ölkəsi haqqında soruşa bilərlər. Hind bazarlarında və mağazalarda yerli satıcılar turistlərə artıq dərəcədə nəzakət göstərirlər ki, turistləri onlardan nəsə almağa inandırsınlar. Hindlilərin xarakterik xüsusiyyətlərindən biri kollektivizm ruhunun olmasıdır. Hindlilər lap əvvəldən böyük ailələrdə yaşayır və əhəmiyyətli məsələləri bütün icmayla həll edirlər, hətta indi, fərdiyyətçilik dövründə də şəxsi sahə və şəxsi sərhədlər anlayışı Hindistan sakinlərinin əksəriyyətinə yaddır. Bundan əlavə Hindlilər utanmadan yeni tanış olan həmsöhbəti ilə özü haqqında şəxsi mövzuda danışa bilərlər. Hindlilərin digər xarakterik xüsusiyyəti xeyirxahlıqdır. |