Microsoft Word etno kitab son srift 12

ETNOPSİXOLOGİYA 
301 
Norveç mədəniyyəti egalitarizm (bütün insanların bəra-
bərliyi) prinsipi üzərində qurulub. Norveçlilər düzgünlüyü, 
praqmatizmi, tədbirliliyi, yumoru, təbiətə qayğını, öz gücünə inamı 
və güvənməni, söhbətdə təmkinliyi və dinməzliyi qiymətləndirirlər. 
Quru və dənizdə həyat uğrundə mübarizə onların xarakterində 
fərdililiyi formalaşdırıb. Bu keyfiyyətlər uzun illər ərzində sərt 
iqlim və bütpərəst adətlərin təsiri altında formalaşmışdır. Belə 
şəraitdə yalnız cəsarətli, təbiətlə harmoniyada yaşayan və yalnız öz 
gücünə güvənən insanlar sağ qala bilərdilər. Bunun üçün tədbirli 
olmaq, az danışıb çoxlu işlər görmək lazım idi. Hətta xalq 
yaradıcılığında bu keyfiyyətlər atalar sözlərində öz əksini tapıb: 
“Mal-qara qırılır, krallar vəfat edir. Hər şey fanidir, lakin xoş sözlər 
həmişəlik qalacaq”, “Uzun dillə xeyir tapmazsan”, “Hər kəs 
bilməlidir ki, qış üçün nə qədər odun yığmaq lazımdır”. 
Norveçli üçün onun ölkəsi onun dünyasıdır. Onun vikinqlərlə 
bağlı keçmişi, gələcəyini təmin edə biləcək nefti, başqa krallardan 
fərqlənən kralları var və nəhayət darıxmamaq üçün onlar trollar və 
cırtdanlar aləmini də yaradıblar. Norveçlilər müasir dövrdə də troll 
və cırtdanlara inanırlar. Trollardan biri Oslo şəhərində Ekeberq 
dağında yaşayır. Hətta Norveçdə troll və cırtdanlarla özünü 
aparmaq qaydaları tərtib olunub. 
Norveç çox feminləşmiş ölkədir. Dövlət anaların və 
uşaqların, xüsusilə də tək yaşayan anaların qayğısına qalır. Dövlət 
onlara ikiqat yardım verir, mənzil və kommunal xidmətlərinin 
ödənilməsində güzəştlərə gedir və s. Norveç qadınları gec ailə 
qururlar, 30-40 yaşında. Onlar həyatda öz məqsədlərinə nail 
olduqdan, özlərini reallaşdırdıqdan sonra ailə qururlar. Norveçlilər 
öz münasibətlərini rəsmiləşdirməyə tələsmirlər. Onlar illərlə 
vətəndaş nigahında yaşayırlar. Norveçdə toy mərasimi sevgililər və 
onların dostları üçün təşkil edilmiş bir bayramdır. Vətəndaş 
nigahında yaşayanlar üçün xüsusi termin var, samboere (birlikdə 
yaşayanlar). Birlikdə yaşayanlar nigah müqaviləsi bağlayırlar. 
Norveçdə “Ana uşaq üşün vacibdir!” yönəlişliyi yoxdur. 
Boşanma zamanı uşaq qalmaq istədiyi valideyni seçir. Lakin digər 

---