Microsoft Word etno kitab son srift 12

ETNOPSİXOLOGİYA 
303 
altında norveç dili bu dillərə bənzəməyə başladı. Daha müasir 
təsnifata uyğun olaraq norveç dili danimarka və isveçrə dilləri ilə 
birlikdə skandinaviya dilləri qrupuna daxildir. Norveç dilində 
təxminən 4 mln insan danışır. Norveç dili iki müxtəlif dialektlərdən 
ibarətdir: bukmol və nyunorsk. Hər iki dialekt rəsmi dialekt hesab 
olunur. Bukmol (ədəbi, kitab dilidir) daha çox şəhərlərdə, 
qəzetlərdə, radio və televiziyada istifadə olunur. Bu dialekt 
danimarka dilinə çox bənzəyir. 
Norveç dialektləri 5 əsas qrupa bölünür: nurnoşk (şimali 
norveç), tryondyoşk (mərkəzi norveç), vestlannsk (qərbi norveç), 
estlannsk (şərqi norveç). Beşinci qrup isə innlandsmel adlanır. Bura 
norveçin ucqar kəndlərində geniş yayılmış dialektləri daxildir. 
Müasir Norveçdə ədəbi dilin iki forması mövcuddur. Birinci 
forma Danimarka ədəbi dilinin və Oslo şəhərində yayılmış ləhcənin 
qarışığından yaranmışdır. XIX əsrdə bu forma Danimarka-Norveç 
dili adlanırdı. 1890-cı ildə məşhur norveç yazıçısı Byornstyerne 
Byornsonun təklifi ilə bu forma riksmol adı aldı. 1929-cu ildə isə 
rəsmi adı bukmola çevrildi. Ədəbi dilin ikinci forması isə yerli 
dialektlərin süni sintezinin nəticəsidir. Bu formanın yaradıcısı isə 
norveç dilçisi İvar Osendır. Bu formanın rəsmi adı nyunorskdur. 
Öz mürəkkəbliyinə görə norveç dili orta mürəkkəb dil hesab 
olunur. Bu dilin xarakterik xüsusiyyəti onun ahəngdarlığıdır. Bir 
sıra hecaların və ayrı-ayrı hərflərin tələffüzündə özünəməxsus 
spesifiklik vardır. Bu dili hər bir xarici vətəndaş asanlıqla öyrənə 
bilməz, çünki bu səslərin tələffüzü dil və qırtlağın xüsusi 
quruluşunu tələb edir. Norveç dilinin feillər sistemi çox asandır. 
Norveç dilinin qrammatikası o qədər də mürəkkəb deyil. Rus 
dilində olduğu kimi isimlərin üç cinsi var: kişi, qadın və orta 
cinslər. İsimlərin çoxu həm kişi, həm də qadın cinsində işlənə bilər. 
Sifətlər güclü və zəif sifətlərə bölünür, eynilə feillər də. Məs, skitt 
(atmaq) güclü feildir, viste (göstərmək) isə zəif feilldir. 
İsveç və Danimarka xalqlarının etnopsixoloji xüsusiyyətləri. 
İsveç milli xarakterinin formalaşmasına bir sıra amillər təsir edir. 
Onlardan biri də beynəlmiləlləşmədir. İsveç əhalisinin 10%-nı 

---