Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
306 ibarətdir. Əsas mahiyyəti ondan ibarətdir ki, sən özünü mənsub olduğun qrupun üzvlərindən üstün tuta bilməzsən. Məs, “Sən bizdən daha yaxşı olduğuna görə aldanmamalısan”, “Bəlkə sən bəzilərdən ağıllısan, amma bu o demək deyil ki, sən hamıdan yaxşısan”. Norveç, Danimarka və İsveçin dilləri linqvistik cəhətdən bir- birinə çox bənzəyir. Bu Skandinaviyanın bütün tarixi ərzində bu ölkələr arasında sərhədlərin tez-tez dəyişməsilə bağlı olmuşdur. Bu dövlətlərin vətəndaşları bir-birlərini asanlıqla başa düşə bilirlər, hətta “Skandinav danışığı” ifadəsi də mövcuddur. Danimarkalıların etnopsixoloji xüsusiyyətlərini müzakirə etməli olsaq, onların ünsiyyətə həvəsli olmaması, gəlmələrlə xüsusən ehtiyatla davranmasını amma dostlaşdıqdan, yaxşı tanıdıqdan sonra çox etibarlı, güvənli bir dosta çevrildiyini deyə bilərik. Bizim ölkə də daxil olmaqla bir çox ölkələrdə insanlar dostlarla görüşərkən opüşməyi adi hal sayırlar, amma bir danimarkalı üçün bu çox qəribə görünə bilər. Bir danimarkalı üçün yad birini öpmək qəribə gələ bilər. Ümumiyyətlə, Skandinaviya ölkələrində insanlar görüşərkən əksər hallarda əl verirlər, xüsusi hallarda isə qeyd etdiyimiz kimi qucaqlaşa da bilərlər. İsveç, Norveç və Danimarkada insanlar tək qalmağa, bəzən heç kimlə danışmamağa, ünsiyyətdən tam qaçmağa, dağlara çəkilib (çox zaman hər bir ailənin dağlarda, meşələrdə Norveçlilərin Hytta adlandırdıqları hər cür şəraitli bağ evi olur) özünü yoldaşlardan, dostlardan, ailədən təcrid etməyə meyillidirlər. Belə tənha qalmağa ehtiyac o qədər inkşaf edib ki, onların dilində bəlkə də dünyanın heç bir ölkəsində rast gəlinməyən bir söz einstøing (tənhalığa qapılan, tək yaşayan) sözü meydana gəlmişdir. İsveçli bir yaxınınızı ailənizə qonaq dəvət etsəniz, ona yüksək səviyyəli qonaqpərvərlik, mehriban münasibət göstərsəniz o bundan çox məmnun qalacaq və davranışınızı qiymətləndirəcək. Skandinaviya ölkələrinə ilk dəfə gələn, bu ölkəni ötəri, səthi tanıyan biri onun sakinlərini çox soyuq və nəzakətsiz kimi xarakterizə edə bilər. |