Microsoft Word etno kitab son srift 12

ETNOPSİXOLOGİYA 
305 
İsveç mədəniyyətində şəxsi müstəqillik Finlandiya, İtaliya və 
ABŞ-la müqayisədə daha çox inkişaf edib. Bu müstəqilllik İsveçdə 
yalnızlığa, təkliyə olan pozitiv münasibətin səbəbi kimi çıxış edir. 
Onlar tək gəzməyə, tək yaşamağa meyil edirlər. İsveç tələbələri də 
tək yaşamağa üstünlük verirlər. İsveç uşaq tərbiyəsində müstəqillik 
və özü-özünü təmin etmək kimi xüsusiyyətlər aşılanır. 
İsveçlilər üzbəüz qarşıdurmadan qaçırlar. Onlar aralarında 
olan problemi yaponlar kimi razılaşma, sülh yolu ilə həll edirlər. 
Hətta vasitəçilik etmək və danışıqlar aparmaq da İsveç tərzinə 
aiddir. İsveçlilər özlərini dürüst hesab edirlər, amma vergidən 
yayınma hallarını da inkar etmirlər. Belə ki, onlar hər şeyi dəqiq və 
şişirtmədən detallarına kimi deyirlər. İsveçlilərdə rasionallıq 
üstünlük təşkil edir. Onlarda emosionallıqdan daha çox dəqiqlik 
özünü göstərir. Onlar özlərini zaraftcıl hesab etsələr də əslində belə 
deyil. Zarafatçıl amerikalılara müqayisədə onlar ciddidirlər. 
Əcnəbilərin gözündə qəmgin və şən olmayan insanlardır. 
Qəmginlik onların xarakterində əvvəldən mövcuddur. Bunun iki 
səbəbi var, şimalın soyuq iqlimi və lüteran kilsəsi. Onlara görə 
həddindən artıq şadlıq günahkarlıq hissi doğurur.
İsveçlilərin milli xarakterinin müsbət tərəfi xüsusi 
punktuallıq və həddindən artıq dəqiqlikdir. İsveçlilər heç vaxt əmin 
olmadıqları işə görə söz vermirlər. Hər bir addımlarının mümkün 
olan nəticələrini proqnozlaşdırırlar və bu onlarda xarici ləngliyə 
səbəb olur. İsveçlilərin həddindən artıq dəqiqliyi qonşu ölkələrdə 
lətifələrin mövzusu olub. İsveçlilər gecikməyi heç xoşlamırlar. 
Başqa insanların gecikməsi onları qıcıqlandırır. 
Danimarkalılar sakit və təmkinlidirlər. Amma onları 
fleqmatiklərə də aid etmək olmaz. Nəzakətlilik və sözü üzə demək 
onların xarakterinin əsas keyfiyyətlərindəndir. 
Danimarkada konstitusiyadan başqa yazılmamış bir qanun da 
var. Bu qanunu ilk dəfə Axel Sandermose təsvir etmişdir. Bu 
“Yanteloven” qanunu adlanır. O, öz vətənində qrup təfəkkürü və 
konformizmlə qarşılaşdığı üçün Norveçə köçür və orda uydurulmuş 
şəhər Yante haqqında hekayə yazır. Bu qanun on maddədən 

---