295
Etika
əxlaq nəzəriyyəsi, əxlaq haqqında fəlsəfi təlimdir. O, quldarlıq cəmiyyə-
tində əqli əməyin fiziki əməkdən ayrılması, ilk fəlsəfi nəzəriyyələrin yaranması
dövründə meydana gəlmişdir. Bu mənada filosofların insan münasibətləri sahəsinə
müraciət etmələri, əxlaqın meydana gəlməsi səbəbləri və mənbələri, həyatın məna-
sı, səadət, xeyir və şər anlayışları, insan hərəkətlərinin əxlaqi qiymətləndirilməsi və
başqa problemlərə toxunmaları xüsusi rol oynamışdır. Etik konsepsiyalar fəlsəfi
sistemlərin tərkib hissəsi olmaqla, adətən, fəlsəfədə iki cərəyanın - materializm və
idealizmin mübarizəsini əks etdirmişdir. Materializmin nümayəndələri əxlaqı insa-
nın tələbatı və marağı ilə bağlayıb onun bəşəri əsasını tapmağa can atmışlar. İdea-
list konsepsiyaların nümayəndələri isə əxlaqa oprior, bu dünya ilə əlaqəsi olmayan,
anadangəlmə və dəyişməz bir hadisə kimi baxırlar.
Əxlaqın norma, prinsip və kateqoriyalarına konkret-tarixi mövqedən yanaşmaq
lazımdır. Xeyir və şər, ədalət, namus, şərəf və s. haqqında əbədi və dəyişilməz tə-
səvvürlər yoxdur və ola da bilməz.
Elm.
İctimai şüurun formalarından biri olan elm təbiətdə, cəmiyyətdə və insan
təfəkküründə baş verən proses və hadisələr haqqında sınaqdan keçirilmiş, dəqiqləş-
dirilmiş biliklər sistemidir. İnsan və bütövlükdə cəmiyyətin yaşaması üçün onlar ət-
raf aləm haqqında müəyyən biliklərə malik olmalıdırlar. Bunsuz istehsal prosesini
həyata keçirmək mümkün deyil. Odur ki, cəmiyyət elmsiz, biliksiz, yaşaya bilməz.
İctimai fikrin digər formaları kimi elmi də hər hansı bir millət, bir xalq və yaxud da
bir insan nəsli yaratmamışdır. O, tarix boyu bütün bəşəriyyət tərəfindən, bütün
xalqların alimləri tərəfindən yaradılmış və inkişaf etdirilmişdir.
Cəmiyyət həyatında onun rolundan danışdıqda onun yerinə yetirdiyi üç qrup
sosial funksiyanı xüsusi qeyd etmək lazımdır: birincisi, mədəni-dünyagörüşü funk-
siyası, ikincisi, elmin bilavasitə məhsuldar qüvvə olması və üçüncüsü, ictimai inki-
şafda meydana gələn müxtəlif problemlərin həllində ondan geniş istifadə olunması-
dır.
Dostları ilə paylaş: