Microsoft Word Materiallar Full

VALTER SKOTT TARİXİ ROMAN JANRININ BANİSİ KİMİ 

 

Aqşin ƏLİYEV 

Baki Dövlət Universiteti 

[e-mail] 

 

Valter Skott tarixi roman janrının banisi sayılır. Yazıçı 1814-cü ildə “Ueverli” romanını yazmaqla dünya 

ədəbiyyatında o vaxta qədər mövcud olmayan yeni bir janrın, yəni, tarixi roman janrının əsasını qoymuşdur. O, keçmişlə və 

bu gün arasında canlı əlaqə yaradan tarixi romanlarında tarixilik və bədii uydurmanı bir-birinə möhkəm bağlayaraq bununla 

da təsvir etdiyi tarixi hadisələr və şəxsiyyətlər haqqında səhv məlumatlar verməkdən və yanlış mühakimələr yürütməkdən 

uzaq durmağa çalışmışdır.  Əsərlərində maraqlı macəra elementlərindən bacarıqla istifadə edən yazıçı oxucunun 

təxəyyülünün imkanları nisbətində hərəkət edərək lazımsız detallara varmaqdan və tarixi həqiqətləri təhrif etməkdən yayına 

bilmişdir. Onun əsərlərindəki  əhvalatların təsvirində xarakter, hadisə, məkan və zaman tarixi həqiqətlər baxımından bir-

biriylə uyğun  gəlir.  

Müasir dövrümüzdə Skottun yenidən diqqəti cəlb etməsinin əsas səbəbi tarixi romanın bir janr kimi daha çox gündəmə 

gəlməsidir. Qloballaşma dövründə dünyada milli mənsubluq məsələsinin daha çox gündəmə gəlməsi ilə bu işə xidmət edən 

bir  ədəbiyyat janrı kimi yenidən mühüm əhəmiyyət kəsb etməyə başlamışdır. Skott da bu ədəbi janrın ilk nümunələrini 

yaradan bir yazıçı kimi yenidən xüsusi əhəmiyyət kəsb edir. Bununla yanaşı, E.M. Forster Skottun bacarıqsız bir yazıçı 

olduğunu qeyd etmişdir    

V.Skott 28 roman bir neçə povest və hekayə yazmışdır. Onun “Ueverli, yaxud altmış il əvvəl” (1814); “Qay 

Mannerinq, yaxud Münəccim” (1815); “Qara Cırtdan” (1816); “Antikvar” (1816); “Puritanlar” (1816); “Edinburq 

həbsxanası” (1818); “Rob Roy” (1818); “Ayvenqo” (1819); “Montrous əfsanəsi” (1819);  “Lammermur gəlini” (1819);   

---