MÜASİR DÖVRÜN TƏLƏBİ – ERP SİSTEMLƏRİ VƏ SAP
Elvin BƏKİROV
Qafqaz Universiteti
elvin.bekirov@socar.az
AZƏRBAYCAN
Bugünkü rəqabət mühitində müəssisələr inkişaf etmək məqsədi ilə qurulma prosesindən tutmuş istifadəsinə qədər bir
çox çətinliklərin olduğu ERP sistemlərinə üz tuturlar. İlk öncə qeyd etməliyəm ki, hər şeydən əvvəl bəzən böyük maliyyət
tələb edən ERP sonda həmişə uğurla istifadə edilə bilmir. Buna görə də ERP sistemi qurulmazdan qabaq müəssisənin
böyüklüyü nəzərə alınmaqla tətbiqinin müəssisəni uçuruma aparıb-aparmayacağı analiz edilməlidir. ERP sistemlərindən
istifadə etmək yalnız proqram təminatını əldə etməklə bitmir. Hansı sistemə üstünlük verməyi qərarlaşdırmaq, bu sistem
üçün zəruri olan avadanlıqların alınması, sistemin müəssisəyə uyğun şəkildə sazlanması, istifadəçilərin proqramdan istifadə
edə bilmələri üçün təlimlər böyük miqdarda maliyyə vəsaiti, əzmkarlıq və artıq iş saatları tələb edir. Həmçinin şirkət
daxilində bu sistemlərin inzibatçılığı, master məlumatların daxil edilməsi, proqramda gələcəkdə baş verə biləcək
nasazlıqların aradan qaldırılması ilə məşğul yeni şöbələr açılmalı, həmçinin onların təlimlərdə iştirak etmələri təmin
| 
