Microsoft Word Sadi Gulustan doc

 
 3. 
Hekayət 
 
 Diyarbəkrdə bir qocaya qonaq oldum. Onun çoxlu malı və gözəl 
bir oğlu var idi. Bir gecə qoca dedi: 
 –Ömrümdə bundan başqa övladım olmayıbdır. Bu vadidə 
ziyarətgah deyən bir ağac vardır ki, adamlar dilədiklərini almaq üçün 
ora gedirlər. Mən həmən ağacın altında uzun gecələr oturub ağlamış 
və çoxlu dua etdikdən sonra allah bunu mənə əta etmişdir. 
 
Oğlan isə bu vaxtda astadan yoldaşlarına deyirdi: 
 –Kaş o ağacın yerini biləydim, gedib dua eləyəydim, atam 
öləydi. 
 
Ata sevinirdi ki, oğlum ağla çatıb; oğul deyinirdi ki, atam nə 
üçün ölmür. 
 
Şer 
 
İllər keçir lakin güzər etmirsən, 
Öz atanın məzarına heç zaman. 
Sən atana nə hörmətlər etdin ki, 
O hörməti gözləyirsən oğlundan?